| e-texts navigator |
| བོད་ཡིག |
269b1 bya ba nas des dog le bkrus bshal ba bsregs te/ mar khus bkang nas ji tsam na rim bzhin du kun du g.yos pa dang / legs par g.yos pa dang / 'bras bu las g.yos pa dang / la du dang / khong tshangs can dang / ce kun dang / rim brgya pa dang / srin bu'i
269b2 dbyibs lta bu ste/ de lta bu dag btsos te des grong rdal de'i phyed dri yis khyab par byas so// ji tsam na des grong rdal gyi phyed na 'dug pa dag 'ongs nas dris pa/ ci khyod kyi khyim du g.yos mkhan 'ongs sam/ des 'di skad ces smras so// ma 'ongs te/ de lta mod kyi 'phags ma
269b3 sbom dga' mo 'tshed do/ / de dag kyang 'ongs nas gsol ba btab pa dang / des 'di skad ces smras so// kho mo la su bsod snyoms ster bar 'gyur/ de dag gis 'di skad ces/ bdag cag gis khang skyong gi bar la dbul lo zhes smras pa dang / de bzhin du sbom dga' mos grong
269b4 khyer phyed kyi bca' ba thams cad btsos te/ de nas btsos nas bsod snyoms kyis khur bslang nas dbyar khang du song ngo // de'i 'og tu g.yos mkhan 'ongs te 'ongs nas sgo sgor 'di skad ces smras so// khyim bdag mo dag btsun mo dag bca' ba dag btsos snoms te spyon cig/
269b5 de dag gis 'di skad ces smras so// kho mo dag gis btsos zin no// rgya tshos mkhan gyis 'di skad ces smras so// su zhig gis/ de dag gis 'di skad ces smras so// sbom dga' mos so zhes grong rdal phyed po thams cad kyi bar gyis go bar byas pa dang / des 'di skad
269b6 ces shAkya'i sras kyi dge sbyong rnams kyi tshul dang / tshangs pa'i tshul ni tshig pa yin te/ gang gi phyir 'di ltar 'tsho ba yang bcad do zhes 'phya bar byed pa na/ don nyung ba'i dge slong ma dag smod par byed pa'i skabs de bcom ldan 'das la gsol to// de nas bcom
269b7 ldan 'das kyis byung ba 'di dang zhes bya ba nas bslab pa bca' ba'i bar du mdzad de/ yang dge slong ma gang rjen pa 'tshed par byed na ltung byed do// yang gang zhes bya ba ni sbom dga' mo'o// rjen pa 'tshed na zhes bya ba ni bca' ba 'tshed na'o// ltung byed do zhes bya ba ni
iiif viewer powered by OpenSeadragon
Texts on this page
D5 - dge slong ma'i 'dul ba rnam par 'byed pa