| e-texts navigator |
| བོད་ཡིག |
268b1 mos 'di skad ces smras so/ / bcom ldan 'das kyis bkag go zhes bya ba nas/ bcom ldan 'das kyis bka' stsal pa/ de lta bas na sor mo'i tshigs gnyis kyis khrus bya'o// ji tsam na de nyid nyes dmigs su gyur to// de nas bcom ldan 'das kyis byung ba
268b2 'di dang zhes bya ba nas bslab pa bca' ba'i bar du mdzad de/ yang dge slong ma gang khrus byed pa na sor mo'i tshigs gnyis las 'das par byed na ltung byed do// yang gang zhes bya ba ni sbom dga' mo'o// khrus byed na zhes bya ba ni chu blangs nas so// sor mo'i tshigs
268b3 gnyis las 'das par 'jug na zhes bya ba ni de las lhag par ro/ / ltung byed do zhes bya ba ni gong ma bzhin no// de la ltung bar ji ltar 'gyur zhe na/ dge slong mas ji tsam cung zad khrus byed pa ni sor mo'i tshigs gnyis las 'das par byed na thams cad du ltung
268b4 byed du 'gyur ro/ / ltung byed brgyad pa'i gsum pa rdzogs // // gleng gzhi ni mnyan yod na'o// de'i tshe sbom dga' mo nyon mongs pas nyen nas ji srid tshim gyi bar du gsang ba'i phyogs su thal mos brgyab pas ji tsam na skrangs par gyur to// gang gi tshe 'dod
268b5 chags zhi bar gyur pa de'i tshe na nas cho nges 'debs so/ / de nas lhan cig gnas pa dang nye gnas rnams kyis dris pa las des skabs de rgyas par smras pa na/ don nyung ba'i dge slong ma dag smod par byed pa'i skabs de bcom ldan 'das la gsol to// de nas
268b6 bcom ldan 'das kyis byung ba 'di dang zhes bya ba nas/ bslab pa bca' ba'i bar du mdzad de/ yang dge slong ma gang bud med kyi yul la thal mos rdeg na ltung byed do// yang gang zhes bya ba ni sbom dga' mo'o// bud med kyi yul la thal mos rdeg na zhes
268b7 bya ba ni mo mtshan la thal lcag gis brdegs na'o/ / ltung byed do zhes bya ba ni gong ma bzhin no// de la ltung bar ji ltar 'gyur zhe na/ dge slong mas ji tsam cung zad bud med kyi yul la thal mos rdeg na thams cad du ltung byed du 'gyur ro// ltung byed brgyad pa'i tshigs
iiif viewer powered by OpenSeadragon
Texts on this page
D5 - dge slong ma'i 'dul ba rnam par 'byed pa