| e-texts navigator |
| བོད་ཡིག |
265a1 dge slong ma zhes bya ba ni chos 'di pa'o// byed dam zhes bya ba ni bdag nyid kyis so// byed du 'jug na zhes bya ba ni gzhan no// srid du zhes bya ba ni de'i chu gang yin pa'o// bde bar gshegs pa'i mtho gang gis zhes bya ba la/ bde bar gshegs
265a2 pa zhes bya ba ni ston pa'o/ / bde bar gshegs pa'i mtho gang gang yin pa de la ni tshad dang ldan pa'i khru phyed dang do ste/ bde bar gshegs pa'i mtho gsum gang yin pa de la tshad dang ldan pa'i khru'i khru phyed dang lnga'o// zheng du mtho phyed dang do'o zhes bya ba ni tshad dang ldan pa'i
265a3 khru do dang sor drug go/ / de las lhag par zhes bya ba ni de las 'das par ro// byed dam zhes bya ba ni bdag nyid kyis so// byed du 'jug na zhes bya ba ni gzhan no// ltung byed do zhes bya ba ni gong ma bzhin no// de la ltung bar ji ltar 'gyur zhe na/ dge slong mas ji tsam
265a4 cung zad gding ba khru phyed dang lnga las lhag par byed dam/ byed du 'jug na thams cad du bcad nas ltung byed do// gang gi mdun du ltung ba 'chags par byed na zhes bya ba nas ltung ba'i rim pa snga ma bzhin no// gal te byas zin pa rnyed na byas zin pa nyid longs spyad par
265a5 bya'o/ / ltung byed bdun pa'i bdun pa rdzogs // // gleng gzhi ni mnyan yod na'o// gang gi tshe bcom ldan 'das kyis dge slong dang / dge slong ma rnams kyis g.yan pa dgab pa'i gos bcang bar bya'o zhes bka' stsal pa de'i tshe de dge slong ma de dag gis ci 'dra ba de
265a6 tshad ji tsam pa bcang ba ma shes nas/ bcom ldan 'das kyis bka' stsal pa/ srid du bde bar gshegs pa'i mtho bzhi'o// zheng du mtho do'o// gang gi tshe bcom ldan 'das kyis tshad bka' stsal pa de'i tshe bcu gnyis sde de dag tshad las lhag par byed pa dang / don
265a7 nyung ba'i dge slong ma dag smod par byed pa'i skabs de bcom ldan 'das la gsol to/ / de nas bcom ldan 'das kyis byung ba 'di dang zhes bya ba nas bslab pa bca' ba'i bar du mdzad de/ dge slong ma g.yan pa dgab pa'i gos byed pas tshad bzhin du byed du gzhug
iiif viewer powered by OpenSeadragon
Texts on this page
D5 - dge slong ma'i 'dul ba rnam par 'byed pa