rKTs

e-texts navigator

Volume

Page

261b₁ khyim du mgron du bos la zas snga ma dang zas phyi ma la khyim dag tu khyim bdag 'khod pa la go bar ma byas par 'gro na ltung byed do/ / yang gang zhes bya ba ni dga' mo'o zas dang bcas pa zhes bya ba ni ston mo can gyi khyim du'o// khyim dag tu zhes bya ba ni khyim bdag gi
261b₂ khyim dag tu mgron du bos pa'o/ / zas snga ma zhes bya ba ni snga dro'i dus so// phyi ma zhes bya ba ni phyi dro'i dus so// ltung byed do zhes bya ba ni gong ma bzhin no// de la ltung bar ji ltar 'gyur zhe na/ dge slong mas ji tsam cung zad dge slong ma zas dang bcas pa'i khyim du mgron du
261b₃ bos nas snga ma la khyim gnyis su song la ched du bsams te khyim gsum par 'gro na ltung byed do/ / zas phyi ma la khyim gsum du song la ched du bsams te khyim bzhi par 'gro na ltung byed do// khyim bdag gi mi la go bar byas na ltung ba med do// ltung byed bdun pa'i
261b₄ dang po rdzogs / / // gleng gzhi ni mnyan yod na'o// gang gi tshe bcom ldan 'das kyis drug sde rnams la brten te sgo gtan gyi bslab pa'i gzhi bca' ba mdzad pa de'i tshe bcu gnyis sde de dag gis dge slong gi bslab pa'i gzhi yin no zhes bya ba nas bslab pa'i
261b₅ gzhi de la rjes su sgrub par mi byed pa'i skabs de dge slong ma rnams kyis bcom ldan 'das la gsol pa dang / bcom ldan 'das kyis bka' stsal pa/ de lta bas na dge slong ma rnams kyis kyang nam ma nangs shing skya rengs ma shar gyi bar du'o// gang gi tshe
261b₆ r gyal po 'char kas dpal ldan ma'i phyir khyim bdag gdangs can la khyod kyi bu mo dge slong rnams lta bar 'dod do zhes rgyal pos bsgo ba de'i tshe khyim bdag gdangs can gyis dge slong shA ri'i bu la dpal ldan ma gdul ba'i ched du gsol ba btab nas rgyal po'i pho
261b₇ brang du btang ba dang / bcom ldan 'das kyis kyang gnang ngo // des dus gzhan zhig na gdangs can gyi bu mo yang dge slong ma rnams lta bar 'dod pa de'i tshe khyim bdag gdangs can gyis skye dgu'i bdag mo chen mo la gsol ba btab pa dang / des rgyal po'i pho brang du

_{iiif viewer powered by OpenSeadragon}

261a - 262a

Texts on this page