| e-texts navigator |
| བོད་ཡིག |
260b1 kyi/ dge slong ma rnams la ni ma yin no zhes smras pa'i skabs de dge slong ma rnams kyis bcom ldan 'das la gsol pa dang / bcom ldan 'das kyis bka' stsal pa/ de lta bas na dge slong mas go bar bya ste 'gro bar bya'o// de nas dge slong ma zhig gis khyim
260b2 bdag cig gi khyim du lhung bzed dang / chos gos bzhag pa las khyim bdag gi khyim de me shor to zhes dge slong ma des thos nas de 'di snyam du bcom ldan 'das kyis dge slong ma 'khod pa la go bar bya ste 'gro bar bya'o zhes gsungs so snyam nas ji srid du dge slong ma la
260b3 go bar byed pa de srid du lhung bzed dang / chos gos tshig par gyur pa'i skabs de dge slong ma rnams kyis bcom ldan 'das la gsol to// de nas bcom ldan 'das kyis dge slong ma rnams la bslab pa 'dod pa dang zhes bya ba nas bslab pa la yo byad bsnyungs pa zhes
260b4 bya ba'i bar te/ snga ma ni bcas pa yin la 'di ni rjes su gnang ba yin te/ yang nyan thos ma rnams kyis 'dul ba'i bslab pa'i gzhi 'di ltar gdon par bya ste/ yang dge slong ma gang dus ma yin par dge slong ma 'khod pa la go bar ma byas par grong du 'gro na rkyen
260b5 de lta bu ma gtogs te ltung byed do/ / yang gang zhes bya ba ni chos 'di pa'i dge slong ma'o// dus ma yin par zhes bya ba la dus ma yin pa ni gang / dus ni gang zhe na/ phyed yol phan chad nas skya rengs ma shar ba'i bar 'di ni dus ma yin pa'o// lhag ma ni dus
260b6 so/ / grong du 'gro na zhes bya ba ni khyim bdag gi khyim rnams su'o// ltung byed do zhes bya ba ni gong ma bzhin no// de la ltung bar ji ltar 'gyur zhe na/ yang dge slong ma gang zhig dus ma yin pa la dus ma yin par 'du shes pas 'gro na ltung byed do// de
260b7 bzhin du yid gnyis za na ltung byed do/ / dus la dus ma yin pa'i 'du shes kyis 'gro na nyes byas so// de bzhin du yid gnyis za na nyes byas so// ltung byed drug pa'i tshigs su bcad pa'i sdom rdzogs // // dge slong ma'i 'dul ba rnam par 'byed
iiif viewer powered by OpenSeadragon
Texts on this page
D5 - dge slong ma'i 'dul ba rnam par 'byed pa