rKTs

e-texts navigator

Volume

Page

260a₁ 'dun bcom ldan 'das gang na ba der dong ste lhags pa dang / bcom ldan 'das kyi zhabs la mgo bos phyag byas te phyogs gcig tu 'khod do// phyogs gcig tu 'khod nas bcom ldan 'das la dge slong ma rab tu mang pos 'di skad ces gsol to//
260a₂ bcom ldan 'das dge slong ma rnams kyis 'bru'i skyems dang / bcos pa'i skyems kyi bslab pa'i gzhi la ji ltar gzung bar bgyi/ de nas bcom ldan 'das kyis dge slong ma rnams la bslab par 'dod pa dang / bslab pa la gus pa dang / bslab pa la yo byad bsnyungs pa'i
260a₃ bsngags pa gsungs nas 'di skad ces bka' stsal to/ / 'bru'i chang dang / bcos pa'i chang 'thung na ltung byed do// 'bru'i chang zhes bya ba ni phabs dang sbyar ba dang / zas dang sbyar ba'o// bcos pa'i chang zhes bya ba ni dgun chang dang / bu ram chang dang / rdzas gzhan dag
260a₄ sbyar ba'i'o/ / 'thung na zhes bya ba ni lkog mar mid na'o// ltung byed do zhes bya ba ni gong ma bzhin no// de la ltung bar ji ltar 'gyur zhe na/ dge slong mas chang gi kha dog dang / chang gi dri dang / chang gi ro 'thung ngam/ 'thung du 'jug na ltung byed do// bcos pa'i
260a₅ chang na ltung byed do/ / bsres pa'i chang na ltung byed do// chang gi kha dog na nyes byas so// chang gi dri na nyes byas so// chang gi ro na nyes byas so// glum za na nyes byas so// gal te mdze byung nas yan lag skud pa dang / kha nad kyi phyir khar blugs te 'dzin pa dang /
260a₆ bskol ba la ni ltung ba med do// ltung byed drug pa'i dgu pa rdzogs // // gleng gzhi ni mnyan yod na'o// gang gi tshe bcom ldan 'das kyis tshe dang ldan pa 'char ka la brten nas dus ma yin par rgyu ba'i bslab pa'i gzhi bca' ba mdzad pa de'i tshe bcu gnyis sde dag
260a₇ grong du dus su yang rgyu bar byed/ dus ma yin par yang rgyu bar byed pa dang / de dag la dge slong ma rnams kyis smras pa/ phu nu mo dag bcom ldan 'das kyis dus ma yin par rgyu ba'i bslab pa'i bca' ba ma mdzad dam/ de dag gis 'di skad ces dge slong rnams la mdzad

_{iiif viewer powered by OpenSeadragon}

259b - 260b

Texts on this page