| e-texts navigator |
| བོད་ཡིག |
259a1 dge slong ma nang na 'dug par gyur la gzhan phyi logs nas nang du 'jug na des skad gsal ba'am/ rting sgra 'am/ se gol bya'o// mi byed dam gal te sgra yang ma go// don kyang ma go na nyes byas so// sgra yang go don kyang go bar gyur na
259a2 ltung byed do/ / de bzhin du gang na 'dug pa la yang rung ste ltung byed do// gal te thos na nye bar zhi bar bya'o snyam na ltung ba med do// ltung byed drug pa'i drug pa rdzogs // // gleng gzhi ni mnyan yod na'o// de'i tshe bcu gnyis sde dag dge slong ma'i dge 'dun
259a3 chos kyi gtam rnam par gtan la 'bebs pa na cang mi smra bar langs te dong ba'i skabs de bcom ldan 'das la gsol pa dang / bcom ldan 'das kyis bka' stsal pa/ 'dong bar mi bya'o// de dag na bar gyur nas bcom ldan 'das kyis bka' stsal pa/
259a4 dge slong ma la go bar byas te 'dong bar bya'o// de nas bcom ldan 'das kyis dge slong ma rnams bslab pa 'dod pa dang zhes bya ba nas yo byad bsnyungs pa zhes bya ba'i bar ro// yang nyan thos ma rnams kyis 'dul ba la bslab pa'i gzhi 'di ltar gdon par bya ste/ yang
259a5 dge slong ma gang dge 'dun gyi chos dang ldan pa'i gtam rnam par gtan la 'bebs pa na cang mi smra bar stan las langs te dge slong ma 'khod pa la go bar ma byas par 'gro na rkyen de lta bu ma gtogs te ltung byed do/ / yang gang zhes bya ba ni bcu gnyis sde dag go//
259a6 chos kyi gtam rnam par gtan la 'bebs pa zhes bya ba ni chos kyi gtam rnam par gtan la dbab pa 'di lta ste/ gsol ba dang / gsol ba dang gnyis dang / gsol ba dang bzhi'i las dag go// cang mi smra bar langs te zhes bya ba ni kha rog ste'o// dge
259a7 slong ma 'khod pa la go bar ma byas par zhes bya ba ni 'dun pa ma 'byin par ro/ / rkyen de lta bu ma gtogs te zhes bya ba ni rkyen bzhag ste'o// ltung byed do zhes bya ba ni gong ma bzhin no// de la ltung bar ji ltar 'gyur zhe na/ dge slong mas ji tsam cung zad chos
iiif viewer powered by OpenSeadragon
Texts on this page
D5 - dge slong ma'i 'dul ba rnam par 'byed pa