| e-texts navigator |
| བོད་ཡིག |
258b1 ba ni mdo sde la mi gsal/ 'dul ba la mi gsal/ ma mo la mi gsal ba ni mi gsal ba zhes bya'o// 'di ltar dge slong ma mdo sde 'dzin pa/ 'dul ba 'dzin pa/ ma mo 'dzin pa gzhan la 'dri'o zhes bya ba nas mdo sde la gsal ba/ 'dul ba la gsal ba/ ma mo la
258b2 gsal ba zhes bya ba'i bar ro/ / dge slong ma kun shes par 'dod pa zhes bya ba ni bslab par 'dod pas so// bslab pa de la yang bslab par bya'o zhes bya ba ni dge slong ma dag gang la slob pa la'o// ltung byed do zhes bya ba ni gong ma bzhin no// de la ltung bar ji ltar 'gyur zhe na/ dge
258b3 slong mas ji tsam cung zad dge slong ma rnams kyis bsgo ba na 'di skad ces bus pa zhes zer na ltung byed do/ / rmongs pa zhes zer na ltung byed do// mi gsal ba zhes zer na ltung byed do// mi mkhas pa zhes zer na ltung byed do// ltung byed drug pa'i lnga pa rdzogs // // gleng
258b4 gzhi ni mnyan yod na'o/ / de'i tshe bcu gnyis sde rnams kyis dge slong ma dag 'thab mo byung ba la nyan rna bar sgor bsdad nas de dag gis cung zad ci thos pa tshu bi las thos pa de pha bi dag la sbron par byed cing / pha bi dag las thos pa de tshu bi dag la sbron par byed pas
258b5 des na dge 'dun 'thab pa dang / mtshang 'dru ba dang / rtsod pa dang / 'gyed pa byung ba dang / don nyung ba'i dge slong ma dag smod par byed pa'i skabs de bcom ldan 'das la gsol to// de nas bcom ldan 'das kyis byung ba 'di dang zhes bya ba nas bslab pa bca' ba'i
258b6 bar du mdzad de/ yang dge slong ma gang shes bzhin du dge slong ma rnams 'thab mo byung bar gyur la/ mtshang 'dru ba dang / 'gyed pa dang / rtsod pa byung zhing 'khod pa la dge slong ma de dag ci smras pa de bdag gis mnyan la de lta de ltar rjes su tha snyad gdags par
258b7 bya'o zhes cang mi smra bas nyan rna byed cing 'dug na ltung byed do/ / yang gang zhes bya ba ni bcu gnyis sde dag go// nyan rna byed cing 'dug na zhes bya ba ni thos par 'dod pas sgo na sdod pa'o// ltung byed do zhes bya ba ni gong ma bzhin no// de la ltung bar ji ltar 'gyur zhe na/
iiif viewer powered by OpenSeadragon
Texts on this page
D5 - dge slong ma'i 'dul ba rnam par 'byed pa