| e-texts navigator |
| བོད་ཡིག |
258a1 bca' ba mdzad pa de'i tshe dge slong ma'i dbyar khang du dge slong sgor btang ngo / / gang gi tshe dge slong gis dge slong ma rnams la bsgo ba de'i tshe dge slong ma dag gis dge slong ma gzhan dang gzhan dag la yang bsgo'o// de nas yang dge slong ma de rnams kyis
258a2 bcu gnyis sde rnams la bsgo ba dang / de dag gis 'di skad ces/ kho mo cag bus pa/ rmongs pa/ mi gsal ba/ mi mkhas pa/ khyed cag la bslab pa mi slob kyi zhes bya ba nas kho mo cag ni mdo sde 'dzin pa/ 'dul ba 'dzin pa/ ma mo 'dzin pa gzhan
258a3 dag la 'dri'o zhes smras pa na/ don nyung ba'i dge slong ma rnams smod par byed pa'i skabs de bcom ldan 'das la gsol to// de nas bcom ldan 'das kyis byung ba 'di dang zhes bya ba nas bslab pa bca' ba'i bar du mdzad de/ yang dge slong ma gang dge slong ma rnams
258a4 kyis 'di skad ces 'phags ma khyod kyis bslab pa 'di la bslab par bya'o zhes bsgo ba na de de dag la 'di skad ces kho mos bus pa/ rmongs pa/ mi gsal ba/ mi mkhas pa khyed kyi tshig gis bslab pa la mi slob kyi zhes bya ba nas dge slong ma mdo sde 'dzin pa/ 'dul
258a5 ba 'dzin pa/ ma mo 'dzin pa/ gzhan dag la 'dri'o zhes smra na ltung byed do// dge slong ma kun shes par 'dod pas bslab pa de la bslab par bya zhing dge slong ma mdo sde 'dzin pa/ 'dul ba 'dzin pa dang / ma mo 'dzin pa la yang dri bar bya ste/ de ni de la cho ga
258a6 yin no/ / yang gang zhes bya ba ni bcu gnyis sde dag la'o// dge slong ma rnams kyis bsgo ba na zhes bya ba ni chos 'di pa dag gis so// bslab pa de la khyod kyis bslab par bya'o zhes bya ba ni phas pham par 'gyur ba brgyad ces bya ba nas/ rtsod pa zhi bar bya ba'i chos
258a7 bdun zhes bya ba'i bar ro/ / bus pa zhes bya ba ni mdo sde mi 'dzin 'dul ba mi 'dzin ma mo mi 'dzin pa ni bus pa zhes bya'o// mi mkhas pa zhes bya ba ni mdo sde la mi mkhas/ 'dul ba la mi mkhas/ ma mo la mi mkhas pa ni mi mkhas pa zhes bya'o// mi gsal ba zhes bya
iiif viewer powered by OpenSeadragon
Texts on this page
D5 - dge slong ma'i 'dul ba rnam par 'byed pa