| e-texts navigator |
| བོད་ཡིག |
257a1 'jug na zhes bya ba ni gzhan no/ / ltung byed do zhes bya ba ni gong ma bzhin no// de la ltung bar ji ltar 'gyur zhe na/ dge slong mas rang bzhin can gyis rko na rko ba na de la ltung byed do// rang bzhin can ma yin pa rko na nyes byas so// dge
257a2 slong mas sa la phur pa 'debs na ltung byed do/ / 'byin na nyes byas so// dge slong mas sa zhag 'gogs par byed pa na gal te sa'i khams ni ches mang la sa'i zhag ni ches srab par gyur na ltung byed do// sa zhag gi khams ni ches stug la sa'i khams ni
257a3 ches srab par gyur na nyes byas so/ / de bzhin du lci ba ni ches mang la sa'i khams ni ches nyung na nyes byas so// dge slong mas sa la bye zhag 'gogs par byed na sa'i khams ni ches stug la bye ma'i khams ni ches srab na ltung byed do// bye ma'i khams ches mang la
257a4 sa'i khams ni ches srab na nyes byas so/ / dog sa ma grum pa rtib par byed na ltung byed do// grum pa la ni nyes byas so// rtsig pa ma grum pa 'jig par byed na ltung byed do// grum pa la ni nyes byas so// rtsig pa la phur pas 'debs na ltung byed do// 'byin na
257a5 nyes byas so/ / zhal zhal ma grum pa 'gogs na ltung byed do// grum pa la ni nyes byas so// tha na rlams 'dral bar byed na yang nyes byas so// 'dam rdzab la phur pas sam/ phur bus 'debs na nyes byas so// 'khrug na nyes byas so// phur pa
257a6 rnying pa'i mchan du phur pa 'debs na nyes byas so/ / sa la ri mo 'dri na nyes byas so// gal te lag gi bla zhig rtsis byed na ltung ba med do// ltung byed drug pa'i gsum pa rdzogs // // gleng gzhi ni mnyan yod na'o// gang gi tshe bcom ldan 'das kyis drug sde
257a7 rnams la brten te zla ba bzhir mgron du bos pa'i bslab pa'i gzhi bca' ba mdzad pa de'i tshe bcu gnyis sde de dag gis zla ba lnga dang / zla ba drug tu mgron du bos pa yang bdag gir byed pa dang / de nas de dag la dge slong ma de rnams kyis 'di skad ces smras so//
iiif viewer powered by OpenSeadragon
Texts on this page
D5 - dge slong ma'i 'dul ba rnam par 'byed pa