| e-texts navigator |
| བོད་ཡིག |
254b1 ma dag gis dge slong ma'i dngos por bsnyen par rdzogs par byed na/ dge slong ma dag dge slong ma de yang dang po nyid nas bsnyen par ma rdzogs pa yin la 'grogs pa dang / longs spyad pas ltung bar yang 'gyur/ dge slong ma'i dge 'dun yang des 'gal
254b2 tshabs can du 'gyur ro/ / gal te lo nyi shu ma lon par gyur cing / lo nyi shu ma lon par 'du shes pa de la dge slong ma rnams kyis lo nyi shu lon nam zhes dris pa dang / de 'di skad ces kho mos ji ltar yang lo nyi shu lon par mi shes shing mi dran te/ kho
254b3 mo ni yid gnyis za'o zhes smras pa na/ de dge slong ma dag gis dge slong ma'i dngos por bsnyen par rdzogs par byed na dge slong ma dag dge slong ma de yang dang po nyid nas bsnyen par ma rdzogs pa yin la 'grogs pa dang / longs spyad pas ltung bar yang
254b4 'gyur/ dge slong ma'i dge 'dun yang des 'gal tshabs can du 'gyur ro// gal te lo nyi shu ma lon par gyur cing / lo nyi shu ma lon par 'du shes pa la de yang mi shes pa dang / mi dran pa dang / yid gnyis za bar gyur kyang rung / de la dge slong
254b5 mas ci yang ma dris pa'am/ lan ma byin par de dge slong ma dag gis dge slong ma'i dngos por bsnyen par rdzogs par byed pa nas bcom ldan 'das kyis bka' stsal pa/ dge slong ma dag dge slong ma de de'i 'og tu bsnyen par rdzogs pa ni 'chags
254b6 te/ dge 'dun dang 'grogs pa dang longs spyad pas ltung bar yang 'gyur la/ dge 'dun yang des 'gal tshabs can du 'gyur ro// gal te lo nyi shu ma lon par gyur la lo nyi shu lon par 'du shes pa de la dge slong ma rnams kyis lo nyi shu lon
254b7 nam zhes dris pa dang des 'di skad ces lo nyi shu lon no zhes smras pa na/ de la dge slong ma dag gis dge slong ma'i dngos por bsnyen par rdzogs par byed na dge slong ma dag dge slong ma de de'i 'og tu bsnyen par rdzogs pa 'chags te dge 'dun dang
iiif viewer powered by OpenSeadragon
Texts on this page
D5 - dge slong ma'i 'dul ba rnam par 'byed pa