| e-texts navigator |
| བོད་ཡིག |
254a1 rkun po'i don mthun dang lhan cig 'gron lam du 'jug na ltung byed do/ / yang gang zhes bya ba ni sbom dga' mo'o// rkun po'i don mthun dang zhes bya ba ni sho gam 'dral ba'i tshong pa'am rkun po dang / 'gron lam du zhes bya ba ni dgon pa'i
254a2 lam du zhugs te 'dong na'o/ / ltung byed do zhes bya ba ni gong ma bzhin no// de la ltung bar ji ltar 'gyur zhe na/ dge slong mas ji tsam cung zad rkun po'i don mthun dang 'gron lam du 'jug na ltung byed do// rgyang grags phyed phyed du ni nyes byas su 'gyur
254a3 ro/ / rgyang grags rgyang grags su ni ltung byed do// ltung byed drug pa'i dang po rdzogs // // gleng gzhi ni mnyan yod na'o// de'i tshe sbom dga' mo 'khor 'dod pas des lo nyi shu ma lon pa dge slong ma'i dngos por bsnyen par rdzogs par byed pa na
254a4 de la dge slong ma rnams kyis smras pa/ phu nu mo bcom ldan 'das kyis bslab pa'i gzhi bca' ba ma mdzad dam/ des 'di skad ces dge slong rnams la mdzad kyi/ dge slong ma rnams la ni ma yin no zhes smras pa dang / don nyung ba'i dge slong ma dag
254a5 smod par byed pa'i skabs de bcom ldan 'das la gsol to/ / de nas bcom ldan 'das kyis byung ba 'di dang zhes bya ba nas/ bslab pa bca' ba'i bar du mdzad de/ yang dge slong ma gang lo nyi shu ma lon pa gsol ba dang bzhi'i las kyis dge slong
254a6 ma'i dngos por bsnyen par rdzogs par byed na dge slong ma de ni bsnyen par ma rdzogs pa yin la de dag kyang ltung ba dang bcas pas smad par 'gyur ro/ / de la de ni nges pa yin no// de la de ni rjes su mthun pa'i chos yin no// ltung byed do zhes bya ba ni gong ma bzhin
254a7 no/ / de la ltung bar ji ltar 'gyur zhe na/ gal te lo nyi shu ma lon par gyur cing / lo nyi shu ma lon par 'du shes pa de la dge slong ma rnams kyis lo nyi shu lon nam zhes dris pa dang / de 'di skad ces kho mo nyi shu ma lon no zhes smras pa na de dge slong
iiif viewer powered by OpenSeadragon
Texts on this page
D5 - dge slong ma'i 'dul ba rnam par 'byed pa