| e-texts navigator |
| བོད་ཡིག |
253b1 slong ma gang bud med med par skyes pa dang lhan cig 'gron lam du zhugs te 'gro na tha na grong bar du yang rung ste ltung byed do/ / yang gang zhes bya ba ni sbom dga' mo'o// bud med med par skyes pa dang lhan cig ces bya ba ni gang du bud med med par ro//
253b2 'gron lam du zhugs te 'gro na zhes bya ba ni dgon pa'i lam du 'gro na'o// tha na grong bar du yang rung ste zhes bya ba ni grong nas grong du 'gro na'o// ltung byed do zhes bya ba ni gong ma bzhin no// de la ltung bar ji ltar 'gyur zhe na/ dge slong mas ji
253b3 tsam cung zad bud med med par skyes pa dang lhan cig grong nas grong bar du 'gro na rgyang grags phyed phyed du song na de la nyes byas so/ / rgyang grags rgyang grags su ni ltung byed do// ltung byed lnga pa'i bcu gnyis pa rdzogs // // sdom la/ rkun ma lhan
253b4 cig nyi shu min/ / mi brko 'gron pos bslab pa dang // nyan rna ldang dang ma gus dang // chang 'thung dus min rgyu ba'o// gleng gzhi ni mnyan yod na'o// de'i tshe sbom dga' mo rgyal po'i khab nas sho gam 'dral ba'i tshong pa rnams dang lhan cig mnyan
253b5 yod du chas te/ de nas sho gam 'dral ba'i tshong pa dang / lam gol ba nas dong ba na sho gam pa dag gis slebs nas/ der sbom dga' mo yang brdegs so// de rim gyis mnyan yod du phyin pa dang / de la dge slong ma rnams kyis 'phags
253b6 ma byon pa legs so/ / sho gam pa dag gis ma gtses grang zhes dris pa dang / des skabs de rgyas par smras pa las dge slong ma rnams kyis skabs de bcom ldan 'das la gsol to// de nas bcom ldan 'das kyis dgongs pa/ nyes dmigs
253b7 gang ci byung ba de thams cad ni dge slong ma gang rkun po'i don mthun dang lhan cig 'gron lam du 'gro ba las gyur to snyam nas de nas bcom ldan 'das kyis byung ba 'di dang zhes bya ba nas/ bslab pa bca' ba'i bar du mdzad de/ yang dge slong ma gang
iiif viewer powered by OpenSeadragon
Texts on this page
D5 - dge slong ma'i 'dul ba rnam par 'byed pa