| e-texts navigator |
| བོད་ཡིག |
252b1 mnyan yod na'o/ / de'i tshe bcu gnyis sde rnams dang / dge slong ma rnams su 'thab cing mtshang 'dru bar byed de/ khros shing zhe sdang ba'i zil gyis non nas gzhi med par dge slong ma rnams la dge 'dun lhag mas gleng bar byed pa dang / don nyung ba'i dge
252b2 slong ma dag smod par byed pa'i skabs de bcom ldan 'das la gsol to/ / de nas bcom ldan 'das kyis byung ba 'di dang zhes bya ba nas/ bslab pa bca' ba'i bar du mdzad de/ yang dge slong ma gang khros shing zhe sdang la mi dga' bar gyur nas dge slong
252b3 ma dag pa ltung ba med pa la gzhi med par dge 'dun lhag ma'i chos kyis skur na ltung byed do/ / yang dge slong ma gang zhes bya ba dag ni bcu gnyis sde dag go// khros nas zhes bya ba ni snga ma bzhin no// dge 'dun lhag mas zhes bya ba ni nyi shu po gang yang rung
252b4 bas so/ / ltung byed do zhes bya ba ni gong ma bzhin no// de la ltung bar ji ltar 'gyur zhe na/ dge slong mas dge slong ma la dge 'dun lhag ma'i ltung ba byung ba mthong la/ des de la ltung ba ma byung ba'i lta ba thob pa las des 'du shes dang / bzod pa
252b5 dang / 'dod pa dang / blo gros dang / rtog pa dang / lta ba bsgyur te 'di skad ces kho mos dge slong ma la dge 'dun lhag ma'i ltung ba byung ba mthong ngo zhes smras na ltung byed do// dge slong mas dge slong ma la dge 'dun lhag ma'i ltung ba byung ba mthong la/ des
252b6 de la ltung byed kyi lta ba thob pa las des 'du shes dang / bzod pa dang / 'dod pa dang / blo gros dang / rtog pa dang / lta ba bsgyur te 'di skad ces kho mos dge slong ma la dge 'dun lhag ma'i ltung ba byung ba mthong ngo zhes smras na ltung byed do// dge slong
252b7 mas dge slong ma la dge 'dun lhag ma'i ltung ba byung ba mthong la/ des de la so sor bshags par bya ba'i lta ba thob pa las des 'du shes dang / bzod pa dang / 'dod pa dang / blo gros dang / rtog pa dang / lta ba bsgyur nas 'di skad ces kho mos dge slong
iiif viewer powered by OpenSeadragon
Texts on this page
D5 - dge slong ma'i 'dul ba rnam par 'byed pa