| e-texts navigator |
| བོད་ཡིག |
252a1 de bzhin du reg pa yid du 'ong ba 'byin par byed pa 'di lta ste/ dar dang / ras dang / gos dang / dar la dang / du gu la'i gos rnams kyi ste/ reg pa 'di lta bu'i lha la sogs pa zhes bya ba nas/ nyes byas so zhes bya ba'i bar ro//
252a2 ltung byed lnga pa'i dgu pa rdzogs // // gleng gzhi ni mnyan yod na'o// de'i tshe sbom dga' mo 'khor mang du yod pas/ de yang mang du za zhing / mang du 'thung bas rdul gyis de'i gos dag ma rung bar gyur pa na/ des gos de dag 'khru zhing kha bsgyur
252a3 ma nus nas des lhan cig gnas pa dang / nye gnas de dag la gtan byin no// de dag gis chos gos de dag bkrus shing kha bsgyur te gtur bu dag gi nang du bcug nas de nyid kyi lag tu bcol te ljongs rgyu zhing dong ngo // de dag ljongs rgyu zhing dong ba dang /
252a4 des phyir blang ngo snyam nas gos dag spyad do// des de dag yang slar dri mas gos par byas nas gtur bu de dag nyid kyi nang du bcug go// de dag lhags na gos de dag dri ma can du byas pa mthong nas smod par byed pa'i skabs de dge slong ma rnams kyis bcom
252a5 ldan 'das la gsol to/ / de nas bcom ldan 'das kyis byung ba 'di dang zhes bya ba nas/ bslab pa bca' ba'i bar du mdzad de/ yang dge slong ma gang dge slong ma la gos dag byin nas de'i 'og tu phyir ma blangs par spyod na ltung byed do// yang gang zhes
252a6 bya ba ni sbom dga' mo'o/ / gos zhes bya ba ni bdun po gang yang rung ba'i bar dag go// phyir ma blangs par zhes bya ba ni rdeng ma bcang bar ro// ltung byed do zhes bya ba ni gong ma bzhin no// de la ltung bar ji ltar 'gyur zhe na/ dge slong mas ji tsam
252a7 cung zad gos byin nas de'i 'og tu phyir ma blangs par spyod na thams cad du ltung byed du 'gyur ro/ / gal te 'grogs bshes yin pa dang / thos na dga' bar 'gyur ba yin na ltung ba med do// ltung byed lnga pa'i bcu pa rdzogs // // gleng gzhi ni
iiif viewer powered by OpenSeadragon
Texts on this page
D5 - dge slong ma'i 'dul ba rnam par 'byed pa