| e-texts navigator |
| བོད་ཡིག |
250a1 de dag gis 'di skad ces dge slong dag la yin gyi/ dge slong ma rnams la ni ma yin no zhes smras pa dang / don nyung ba'i dge slong ma dag smod par byed pa'i skabs de bcom ldan 'das la gsol to// de nas bcom ldan 'das kyis byung ba
250a2 'di dang zhes bya ba nas bslab pa bca' ba'i bar du mdzad de/ chu la rtse na ltung byed do// chu la zhes bya ba ni dge slong mas rtse ba'i bsam pa can gyi ngag dang / tshig dang zhes bya ba nas ngag gi rnam par rig byed ces bya ba'i bar gang yin pa'o// ltung byed
250a3 do zhes bya ba ni gong ma bzhin no/ / de la ltung bar ji ltar 'gyur zhe na/ gzhi dgu las te dge slong mas chur rtse ba'i bsam pas chur 'jug par 'dod pa dang / ras kyis 'ching ba dang / chur 'jug pa dang / byi'u zul byed na ltung byed do// de bzhin du
250a4 steng du 'byung bar byed pa dang / tshu rol gyi 'gram nas pha rol gyi 'gram du 'gro ba dang / rgyun phyogs nas bzlog phyogs su rtsol bar byed na thams cad du ltung byed du 'gyur ro// chu la rnga'i sgra 'byin na ltung byed do// de bzhin du chu la rdza rnga kha gcig pa'i bar gyi sgra
250a5 'byin na thams cad du ltung byed du 'gyur ro/ / dge slong mas chu phan tshun du 'thor bar byed na ltung byed do// dge slong mas chu la dga' bar byed na ltung byed do// dga' bar byed du 'jug na ltung byed do// de bzhin du rtse ba dang / rtser 'jug pa dang / mgu
250a6 bar byed pa dang / mgu bar byed du 'jug na thams cad du ltung byed du 'gyur ro// de bzhin du rgod pa dang / 'phyar g.yeng gis lus kyis snyogs par byed na thams cad du ltung byed du 'gyur ro// tha na bum pa'i chu la sor mo'i bem tol gyis rdeg na
250a7 yang nyes byas so/ / de bzhin du chu snod dang / sha khu dang / 'bras khu dang / thug pa yang ngo // nad pas rtse ba'i bsam pas thug pa'am/ sha khu la bem tol gyis rdeg pa la ni ltung ba med do// ltung byed lnga pa'i bdun pa rdzogs // // gleng
iiif viewer powered by OpenSeadragon
Texts on this page
D5 - dge slong ma'i 'dul ba rnam par 'byed pa