| e-texts navigator |
| བོད་ཡིག |
249a1 yang ngo / / de bzhin du phu nu mo phyogs ga ge mo zhig tu 'gro'am/ de 'di skad ces 'gro'o zhes zer ba na de 'di skad ces gtum po rnams kyis gnas btab pa'i phyogs yin pas/ khyod phas pham par 'gyur ba'i ltung ba byung bar 'gyur du 'ong ngo //
249a2 zhes smras nas zhes bya ba nas ltung byed do zhes bya ba'i bar ro// de bzhin du phu nu mo sha dang / nya dang / sha skam dang / chur ba dang / 'o ma dang / zho dang / mar sar za'am/ des 'di skad ces za'o zhes smras pa na/ de 'di skad ces khyod kha zas de
249a3 lta bu za na mdze dang / 'brum bu phra mo dang / sha bkra dang / sha gzig gu dang / shu ba dang / g.ya' ba dang / khyi rngo dang / skyug bro ba dang / skya rbab dang / skem nad dang / lud pa dang / dbugs mi bde ba dang / skem pa ste/ nad kyi rnam pa de lta bu
249a4 dag khyod la 'byung bar 'gyur ro zhes smras na dge slong ma 'gyod par gyur kyang rung / ma gyur kyang rung ltung byed du 'gyur ro// don gzhan dang 'dul ba'i yo byad kyis ni ltung ba med do// de la don gzhan zhes bya ba ni phu nu mo rgyal po che ge mo dran nam/ de 'di skad ces
249a5 dran no zhes zer na/ de 'di skad ces rgyal po de ni yun ring mo zhig lon pas phu nu mo khyod lo nyi shu tshang zhing / legs par bsnyen par rdzogs pa yin gyis khyod la sus ci smras kyang 'gyod par ma byed cig ces bya ba dang / de bzhin du phyogs tshig pa dang zhes
249a6 bya ba nas/ de bzhin du khyod kyis mkhan mo ni tshul khrims dang ldan pa mang du thos pa yin no zhes bya ba dang / khyod bsnyen par rdzogs pa'i gnas ni mtshams bcad pa de ni dkyil 'khor bar mngon pa yin no zhes bya ba dang / khyod kyis lhag par nya'am/
249a7 sha'am zhes bya ba nas/ mar sar gyi bar dag ma zos grang / khyod na bar 'gyur du 'ong ngo zhes bya ba ste/ de lta bu ni don gzhan yin no// 'dul ba'i yo byad ji lta bu zhe na/ phu nu mo khyod kyis rku sems kyis mkhan mo dang / slob dpon dag gi gos
iiif viewer powered by OpenSeadragon
Texts on this page
D5 - dge slong ma'i 'dul ba rnam par 'byed pa