| e-texts navigator |
| བོད་ཡིག |
248a1 bar du mdzad de/ yang dge slong ma gang ched du bsams te dud 'gro'i skye gnas su gtogs pa'i srog chags kyi srog gcod na ltung byed do// yang dge slong ma gang zhes bya ba ni bcu gnyis sde dag go// ched du bsams nas zhes bya ba
248a2 ni rnam par brtags nas so/ / dud 'gro'i skye gnas su gtogs pa zhes bya ba ni tha na grog sbur tsam yang ngo // srog gcod na zhes bya ba ni de'i srog la gnod pa byed pa'o// ltung byed do zhes bya ba ni gong ma bzhin no// de la ltung bar ji ltar 'gyur zhe na/ dge
248a3 slong mas ji tsam cung zad ched du bsams te dud 'gro'i skye gnas su gtogs pa'i srog chags kyi srog bcad na thams cad du ltung byed du 'gyur ro/ / ltung byed lnga pa'i bzhi pa rdzogs // // gleng gzhi ni mnyan yod na'o// de'i tshe bcu gnyis sde rnams
248a4 kyis ched du bsams bzhin du dge slong ma rnams la 'gyod pa skyed par byed pa dang / don nyung ba'i dge slong ma dag smod par byed pa'i skabs de bcom ldan 'das la gsol to// de nas bcom ldan 'das kyis byung ba 'di dang zhes bya ba nas/ bslab pa bca' ba'i
248a5 bar du mdzad de/ yang dge slong ma gang ched du bsams te dge slong ma la ci nas kyang 'di yud tsam zhig kyang reg par mi 'gyur bar bya'o zhes de nyid rkyen du byas te dge slong ma la 'gyod pa skyed na ltung byed do// yang dge slong ma gang zhes bya ba ni bcu gnyis sde dag go//
248a6 ched du bsams te zhes bya ba ni rnam par brtags nas so// 'gyod pa skyed na zhes bya ba ni 'gyod pa bskyed pa'i bsam pa can gyi ngag dang / tshig dang / brjod pa dang zhes bya ba nas/ ngag gi rnam par rig byed ces bya ba'i bar gang yin pa'o// ltung byed do
248a7 zhes bya ba ni gong ma bzhin no/ / de la ltung bar ji ltar 'gyur zhe na/ dge slong mas ched du bsams te 'gyod pa bskyed pa'i bsam pas dge slong ma'i drung du song ste/ 'di skad ces phu nu mo rgyal po che ge mo'am/ tshong dpon che ge mo'am/ sa g.yos pa'am/ zla
iiif viewer powered by OpenSeadragon
Texts on this page
D5 - dge slong ma'i 'dul ba rnam par 'byed pa