| e-texts navigator |
| བོད་ཡིག |
247a1 ba'i bar du mdzad de/ bcom ldan 'das kyis zla ba phyed phyed cing khrus bya'o zhes gsungs pa de las 'dums par byed na dus ma gtogs te ltung byed do// de la dus ni 'di yin te/ so ga rnams kyi zla ba phyed dang gnyis dang / dbyar rnams
247a2 kyi zla ba dang po dang / zla ba phyed dang gsum po de dag ni tsha ba'i dus so// lhag ma ni na ba dus so// las dus so// lam dus so// rlung dus so// char dus so// rdzi char dus te/ de la de ni dus yin no// zla ba phyed cing zhes bya ba ni zla ba'i ngo phyed cing
247a3 ngo / / khrus zhes bya ba la khrus ni rnam pa gnyis te/ dbang bskur ba'i khrus dang / 'jug pa'i khrus so// dus ma gtogs te zhes bya ba ni dus bzhag ste'o// de la de ni dus yin no zhes bya ba ni so ga rnams kyi lhag ma zla ba phyed dang gnyis dang / dbyar rnams
247a4 kyi dang po zhes bya ba ni thog ma'i zla ba ste dbyar zla ra ba dang / zla ba phyed dang gsum po 'di dag ni tsha ba'i dus so// lhag ma ni na ba'i dus so// zhes bya ba ni khrus ma byas na na bar 'gyur ba'o// las dus so zhes byas te khrus bya'o zhes bya ba ni las dag byas
247a5 pas de dag dub par gyur pa'o/ / lam dus so zhes byas te khrus bya'o zhes bya ba ni dpag tshad phyed dam dpag tshad gcig gi lam nas 'ongs pas de dag dub par gyur pa'o// rlung dus so zhes byas te khrus bya'o zhes bya ba ni rlung gis dkrugs par gyur pa ste/
247a6 tha na chos gos kyi grwa tsam rlung gis bsgul bar gyur pa'o// char dus so zhes byas te khrus bya'o zhes bya ba ni char gyi thigs pa gnyis sam gsum lus la bab par gyur pa ni char gyi dus yin no// rdzi char dus so zhes byas te khrus bya'o zhes bya ba ni de rlung gis kyang
247a7 bsgul la char gyi thigs pa gnyis sam gsum yang lus la bab par gyur pa'o/ / ltung byed do zhes bya ba ni gong ma bzhin no// de la ltung bar ji ltar 'gyur zhe na/ dge slong mas dbang bskur ba'i khrus kyis khrus byed na/ des dus byin gyis brlab par bya'o//
iiif viewer powered by OpenSeadragon
Texts on this page
D5 - dge slong ma'i 'dul ba rnam par 'byed pa