| e-texts navigator |
| བོད་ཡིག |
246b1 gnang ngo zhes thos so/ / thos nas bcu gnyis sde de rnams rgyal po gzugs can snying po'i btsun mo'i khrus byed pa'i dka' thub kyi chu gang na ba der khrus kyi phyir dong ngo // de'i tshe rgyal po gzugs can snying po'i btsun mo khrus byed par 'dod nas de dka' thub kyi chu
246b2 gang na ba der song ba na zhes bya ba nas/ bcu gnyis sde rnams las skabs ma rnyed do zhes bya ba'i bar ro// de nas dge slong ma rnams kyi mdun du smod par byed pa na dge slong ma rnams kyis bcom ldan 'das la gsol pa dang / bcom ldan 'das kyis
246b3 bka' stsal pa/ de lta bas na khrus mi bya'o// de rnams khrus ma byas pas lus shin tu dri mi zhim zhing bsod snyoms la zhugs pa na khyim pa mo rnams kyis 'di skad ces smras so// dri ngan pa zhig mnam lags so// dge slong ma drang po drang ba'i rang bzhin
246b4 can de rnams kyis 'di skad ces smras so/ / dri ngan pa de ni kho mo cag gi lus kyi yin no// de dag gis 'di skad ces smras so// khyed cag gis khrus ma bgyis sam/ de dag gis 'di skad ces smras so// bcom ldan 'das kyis khrus mi bya'o zhes dgag pa
246b5 mdzad do/ / zhes bya ba'i skabs de dge slong ma rnams kyis bcom ldan 'das la gsol pa dang / bcom ldan 'das kyis bka' stsal pa/ de lta bas na/ zla ba phyed phyed cing khrus bya'o// de nas tsha bas gdungs nas zhes bya ba nas/ zla ba phyed dang gsum ni
246b6 tsha ba'i dus so zhes bya ste/ khrus bya'o zhes bya ba'i bar ro// de bzhin du na ba dus so zhes byin gyis brlabs te khrus bya'o// de bzhin du las dus so// lam dus so// rlung dang char pa dus so zhes byin gyis brlabs te khrus bya'o// de nas bcu gnyis
246b7 sde de rnams tsha ba dus so/ / zhes byas nas dus thams cad du khrus byed pa dang / don nyung ba'i dge slong ma dag smod par byed pa'i skabs de bcom ldan 'das la gsol to// de nas bcom ldan 'das kyis byung ba 'di dang zhes bya ba nas/ bslab pa bca'
iiif viewer powered by OpenSeadragon
Texts on this page
D5 - dge slong ma'i 'dul ba rnam par 'byed pa