| e-texts navigator |
| བོད་ཡིག |
245b1 nyes byas so zhes bya ba'i bar ro/ / dge slong mas dngul gyi nor bu len na mngon mtshan can yin na ltung byed do// mngon mtshan can ma yin na nyes byas so// tha na ko lham bcos bu len na yang nyes byas so// dge slong mas pi bang rgyud dang chas pa len na
245b2 ltung byed do/ / rgyud med pa len na nyes byas so// de bzhin du bA ba b+hi sa ka dang / pi bang rgyud gcig pa dang / khar rnga dang / rnga bo che dang / rdza rnga dang / rnga pa Ta ha la sogs pa rgyud dang chas pa len na ltung byed do// rgyud med pa len na nyes byas so// tha
245b3 na rtswa las byas pa'i pi bang rgyud dang chas pa len na ltung byed do/ / rgyud med pa len na nyes byas so// de bzhin du rdo rje rtse gcig pa dang / 'khor lo dang / mtshon rtse gcig pa dang / ral gri dang / mdung thung dang / mda' bo che dang / mdung dang / mdung
245b4 phyed lcags las byas pa dang / lcags mda' dang / mda' phyed lcags las byas pa 'phang du rung ba len na ltung byed do// 'phang du mi rung ba len na nyes byas so// dge slong mas mda' mde'u dang bcas pa len na ltung byed do// mde'u med pa len na
245b5 nyes byas so/ / tha na rtswa'i gzhu len na yang nyes byas so// dge slong mas sangs rgyas kyi sku gzugs brnyan ring bsrel dang bcas pa len na ltung byed do// ring bsrel med pa yin na nyes byas so// gal te ston pa la mchod pa'i 'du shes kyis len par
245b6 byed cing / dge tshul ma 'am rung bar byed pa'i lag tu bzhag pa la ni ltung ba med do// // bar sdom ni/ nor bu mgul gdub pi bang dang // dung dang gzhu dang mda' dag dang // ring bsrel bcas pa'i sku gzugs te// 'dir ni yang dag bsdus pa
245b7 yin/ / ltung byed lnga pa'i gnyis pa rdzogs // // gleng gzhi ni rgyal po'i khab na'o// de'i tshe rgyal po gzugs can snying po la dka' thub kyi chu grang ba na dro bar tshor ba dang / dro ba na bsil bar tshor ba gsum yod de/ gcig la ni rgyal po rang nyid khrus
iiif viewer powered by OpenSeadragon
Texts on this page
D5 - dge slong ma'i 'dul ba rnam par 'byed pa