| e-texts navigator |
| བོད་ཡིག |
244b1 ldan 'das kyis byung ba 'di dang zhes bya ba nas/ bslab pa bca' ba'i bar du mdzad de/ dge slong mas gos sar pa rnyed na kha dog bsgyur ba gsum po sngon po'am/ 'dam kha'am/ ngur smrig gang yang rung ba'i kha dog tu bsgyur bar bya'o// gal te dge slong mas kha
244b2 dog bsgyur ba gsum po gang yang rung ba'i kha dog ma bsgyur ba'i gos sar pa gyon na ltung byed do/ / gsar pa zhes bya ba la gsar pa ni gnyis te/ gsar pa dang / gsar du rnyed pa ste/ don 'di la ni gsar du rnyed pa la bya bar dgongs so// gos zhes bya ba ni bdun
244b3 po gang yang rung ba'o/ / dge slong ma zhes bya ba ni chos 'di pa dag go// kha dog bsgyur ba gsum po gang yang rung ba ma bsgyur na zhes bya ba ni kha dog ma bsgyur na'o// gos gsar pa gyon na zhes bya ba ni bgos na'o// ltung byed do zhes bya ba ni gong ma bzhin no// de
244b4 la ltung bar ji ltar 'gyur zhe na/ dge slong mas ji tsam cung zad kha dog bsgyur ba gsum po gang yang rung ba'i kha dog ma bsgyur ba'i gos gsar pa gyon na thams cad du ltung byed du 'gyur ro// tha na lhung bzed kyi snod tsam ma bsgyur na yang nyes byas so// ltung byed lnga pa'i
244b5 dang po rdzogs / / // sangs rgyas bcom ldan 'das rgyal bu rgyal byed kyi tshal mgon med zas sbyin gyi kun dga' ra ba na bzhugs so// gang gi tshe bcom ldan 'das kyis yangs pa can du drug sde rnams la brten nas len pa'i bslab pa'i gzhi bca' ba mdzad la/
244b6 mnyan yod du ni kun dga' bo la brten nas rjes su gnang ngo // de nas bcu gnyis sde de dag gis kun dga'i ra bar gtogs pa'am/ kun dga'i ra bar ma gtogs pa na rin po che'am/ rin po cher smos pa dag 'dug pa rang gi lag gis len par byed/
244b7 len du 'jug par byed cing gang gi yin pa de la yang sbyin par mi byed pa dang / don nyung ba'i dge slong ma dag smod par byed pa'i skabs de bcom ldan 'das la gsol to// de nas bcom ldan 'das kyis byung ba 'di dang zhes bya ba nas/ bslab pa bca' ba'i bar
iiif viewer powered by OpenSeadragon
Texts on this page
D5 - dge slong ma'i 'dul ba rnam par 'byed pa