rKTs

e-texts navigator

Volume

Page

243b₁ la ston pa zhes kyang ma zer cig/ tshangs pa mtshungs par spyod pa mkhas pa gang yang rung ba dag gi rjes bzhin rjes bzhin du yang ma 'gro shig/ dge tshul ma gzhan dag dge slong ma rnams dang / nub gnyis tshun chad gnas gcig tu nyal bar gnang
243b₂ ba gang yin pa de yang khyod la deng phan chad med kyis dge tshul ma dag phar song shig ces brjod par bya'o/ / yang dge slong ma gang shes bzhin du de ltar bsnyil ba'i dge tshul ma nye bar 'jog par byed dam/ nye bar ston par byed dam/ kun du longs spyod par
243b₃ byed dam/ gnas gcig tu lhan cig nyal bar byed na ltung byed do// dge tshul ma zhes bya ba ni mdzes ma dang / rgyal ma'o// dge slong ma rnams zhes bya ba ni chos 'di pa dag go// 'di skad ces zer na zhes bya ba ni smra na'o// ji ltar bcom ldan 'das kyis
243b₄ 'dod pa dag ni bar du gcod pa yin no zhes gsungs pa gang yin pa de la so sor bsten kyang bar du gcod par mi 'gyur ba de ltar kho mo cag gis bcom ldan 'das kyis chos bstan pa shes so/ / zhes bya ba ni lhag par spyad kyang dge slong gi tshul gyi bar chad du mi
243b₅ 'gyur ba'o/ / de dag la zhes bya ba ni dge tshul ma mdzes ma dang / rgyal ma la'o// dge slong ma rnams kyis zhes bya ba ni chos 'di pa dag gis so// 'di skad ces brjod par bya'o zhes bya ba ni bzhams te bsgo bas snga ma ji lta ba bzhin du bsgo ba'o// yang dag
243b₆ par bstan pa ni de yin/ yang dag par bsgo ba ni de yin no// de gnyis la de ltar rjes su bstan pa na gzhi de gtong na de lta na legs/ gal te mi gtong na bsnyil ba'i las byos shig ces bya ba ni gong ma ji lta ba bzhin du bya ba'o// yang dge slong ma
243b₇ gang zhig ces bya ba ni sbom dga' mo'o/ / shes bzhin du zhes bya ba ni bdag nyid dam/ gzhan gyis smras par gyur pa'o// de ltar bsnyil ba zhes bya ba ni bsnyil ba'i las byas pa'o// dge tshul ma zhes bya ba ni mdzes ma dang / rgyal ma'o//

_{iiif viewer powered by OpenSeadragon}

243a - 244a

Texts on this page