| e-texts navigator |
| བོད་ཡིག |
242a1 ro/ / de gnyis la dge 'dun gyis gsol ba dang bzhi'i las kyis bsgo ste/ de gnyis la gsol ba dang bzhi'i las kyis bsgo ba na zhes bya ba nas/ 'di nyid bden gyi gzhan ni gti mug go zhes bya ba'i bar du mchis lags kyis/ gal te
242a2 'phags ma'i dge 'dun gyi dus la bab cing bzod na 'phags ma'i dge 'dun gyis gnang bar mdzod cig dang / 'di ltar 'phags ma'i dge 'dun gyis dge tshul ma mdzes ma dang / rgyal ma 'di gnyis la phu nu mo dag khyed cag deng phan chad bcom ldan 'das de
242a3 bzhin gshegs pa dgra bcom pa yang dag par rdzogs pa'i sangs rgyas de la ston pa'o zhes ma zer cig/ tshangs pa mtshungs par spyod pa mkhas pa bla ma'i gnas lta bu gang yang rung ba'i phyi bzhin du yang ma 'gro shig/ dge tshul ma gzhan dag dge slong ma rnams dang lhan
242a4 cig nub gnyis tshun chad gnas gcig tu nyal bar gnang ba gang yin pa de yang deng phyin chad khyed la med kyis/ bud med gti mug can khyod gnyis gzhan du deng shig ces bsnyil ba'i las mdzad do// 'di ni gsol ba'o// de'i 'og tu de gnyis la bsnyil ba'i
242a5 gsol ba mdzad zin gyis sdig pa can gyi lta ba de thong shig ces bsgo bar bya'o/ / gal te gtong na de lta na legs/ gal te mi gtong na de'i 'og tu las bya'o// bya ba ni 'di lta bu yin te/ 'phags ma'i dge 'dun phu nu mo dag bdag la gsan du gsol/ dge
242a6 tshul ma mdzes ma dang / rgyal ma 'di gnyis la sdig pa can gyi lta ba'i rnam par song ba 'di lta bu 'di byung ste/ ji ltar bcom ldan 'das kyis 'dod pa dag ni bar du gcod pa yin no zhes gsungs pa gang yin pa de la so sor bsten kyang bar du gcod par mi 'gyur
242a7 ba de ltar kho mo cag gis bcom ldan 'das kyis chos bstan pa shes so zhes mchi nas/ dge tshul ma mdzes ma dang / rgyal ma de gnyis la dge slong ma rab tu mang pos bzhams nas bsgo ste/ de gnyis la bzhams nas bsgo ba na zhes bya ba nas 'di nyid bden
iiif viewer powered by OpenSeadragon
Texts on this page
D5 - dge slong ma'i 'dul ba rnam par 'byed pa