rKTs

e-texts navigator

Volume

Page

239a₁ kyang gzhi de nyid la nan gyis mchog tu bzung zhing mngon par zhen nas 'di nyid bden gyi gzhan ni gti mug go zhes rjes su tha snyad 'dogs pa'i skabs de dge slong ma rnams kyis bcom ldan 'das la gsol to/ / de nas bcom ldan 'das kyis byung
239a₂ ba 'di dang zhes bya ba nas/ bslab pa bca' ba'i bar du mdzad de/ yang dge slong ma gang 'di skad ces ji ltar bcom ldan 'das kyis bar du gcod pa'i chos su gsungs pa gang yin pa de la so sor bsten kyang bar du gcod par mi 'gyur ba de ltar kho mos bcom
239a₃ l dan 'das kyis chos bstan pa shes so zhes zer na dge slong ma de la dge slong ma rnams kyis 'di skad ces phu nu mo khyod 'di skad ces ji ltar bcom ldan 'das kyis bar du gcod pa'i chos su gsungs pa gang yin pa de la so sor bsten kyang bar du gcod par mi 'gyur ba
239a₄ de ltar kho mos bcom ldan 'das kyis chos bstan pa shes so zhes brjod par ma smra shig bcom ldan 'das la skur pa ma 'debs shig/ bcom ldan 'das la skur pa btab pa ni legs par mi 'gyur ro// bcom ldan 'das ni de skad kyang mi gsung ngo // bar
239a₅ du gcod pa'i chos yin pa las bcom ldan 'das kyis rnam grangs du mar bar du gcod pa'i chos su gsungs te/ de dag so sor bsten na bar du gcod par yang 'gyur gyis/ phu nu mo khyod sdig pa can gyi lta ba'i rnam par song ba 'di lta bu 'di thong shig ces
239a₆ brjod par bya'o/ / gal te dge slong ma de la dge slong ma rnams kyis de skad smras pa na gzhi de gtong na de lta na legs/ gal te mi gtong na lan gnyis lan gsum du yang yang dag par bsgo bar bya/ yang dag par bstan par bya'o// gzhi de gtang bar bya ba'i phyir
239a₇ lan gnyis lan gsum du yang dag par bsgo yang dag par bstan pa na gzhi de gtong na de lta na legs/ gal te mi gtong na ltung byed do// yang dge slong ma gang zhes bya ba ni 'chi ltas so// 'di skad ces zer na zhes bya ba ni smra na'o// de ltar kho mos bcom ldan

_{iiif viewer powered by OpenSeadragon}

238b - 239b

Texts on this page