rKTs

e-texts navigator

Volume

Page

236b₁ 'dug la brten par bya ste de la 'gyod par mi bya'o/ / de nas yang nub mor gyur pa na dge tshul ma de dag bor te dong ba dang / nad pa de yang nub mo skom slong ba dang zhes bya ba nas/ bcom ldan 'das kyis bka' stsal pa/ de kho nar lhan cig gnas par bya ste de la 'gyod
236b₂ par mi bya'o/ / de bzhin du dge slong ma na na yang der dge tshul ma'am/ nad g.yog dag gnas par bya zhing snang ba dang bcas par yang gnas par bya ste de la 'gyod par mi bya'o// de nas bcom ldan 'das kyis dge slong ma rnams bslab pa 'dod pa dang / bslab pa la
236b₃ gus pa dang / bslab pa la yo byad bsnyungs pa'i bsngags pa gsungs nas snga ma ni bcas pa'o// 'di ni rjes su gnang ba ste/ nyan thos ma rnams kyis yang 'dul ba la bslab pa'i gzhi 'di ltar gdon par bya ste/ yang dge slong ma gang bsnyen par ma rdzogs pa
236b₄ dang / lhan cig nub gnyis las lhag par gnas gcig tu nyal bar byed na ltung byed do// yang dge slong ma gang zhes bya ba ni bcu gnyis sde dag go// bsnyen par ma rdzogs pa dang zhes bya ba la bsnyen par rdzogs pa ni gnyis te/ dge slong dang dge slong ma'o// lhag
236b₅ ma ni bsnyen par ma rdzogs pa'o/ / nub gnyis las lhag par zhes bya ba ni nub gnyis 'das par ro// gnas gcig tu nyal bar byed na zhes bya ba la/ gnas bzhi po dag tu nyal bar byed pa ste/ thams cad du g.yogs shing thams cad bskor ba dang /
236b₆ thams cad g.yogs shing phal cher ma bskor ba dang / thams cad phal cher ma g.yogs shing phal cher ma bskor ba dang / thams cad phal cher g.yogs shing phal cher bskor ba'o// thams cad g.yogs shing thams cad bskor ba ni gnas khang ngam/
236b₇ 'khor gyi khyams sam/ khang pa brtsegs ma dag go// thams cad g.yogs shing phal cher ma bskor ba ni khyams zlum po'am/ rim gro'i gnas dag go/ thams cad phal cher ma g.yogs shing phal cher ma bskor ba ni khyams ngos gsum pa'o// phal

_{iiif viewer powered by OpenSeadragon}

236a - 237a

Texts on this page