rKTs

e-texts navigator

Volume

Page

233b₁ lta ste/ 'o ma dang / zho dang / mar sar dang / nya dang / sha dang / sha skam mo// yang dge slong ma gang mi na bar bdag nyid kyi ched du bca' ba dang / bza' ba de lta bu gzhan gyi khyim dag nas bslangs te 'cha' 'am za na ltung byed do// gang yin pa de dag ni zhes
233b₂ bya ba ni bcom ldan 'das de bzhin gshegs pa dgra bcom pa yang dag par rdzogs pa'i sangs rgyas kyis so/ / nad pa rnams kyi zhes bya ba ni nad kyis thebs pa rnams kyi'o// dge slong ma rnams zhes bya ba ni de bzhin gshegs pa'i nyan thos ma rnams so// bsod pa
233b₃ zhes bya ba ni zhim po'o/ / bca' ba dang bza' ba zhes bya ba ni bca' ba lnga dang bza' ba lnga'o// 'o ma zhes bya ba ni 'o ma nyid do// zho zhes bya ba ni zho nyid do// mar sar zhes bya ba ni mar ro// sha zhes bya ba ni sha nyid do// nya zhes bya ba ni nya nyid do// sha skam zhes bya
233b₄ ba ni sha skams pa'o/ / 'di ltar khyim dag nas slong na zhes bya ba ni rang gis so// slong du 'jug na zhes bya ba ni gzhan no// zos sam 'chos na zhes bya ba ni lkog mar kham gyis mid na'o// ltung byed do zhes bya ba ni gong ma bzhin no// mi na bar slong zhing mi
233b₅ na bar za na slong ba na de la nyes byas so/ / za ba na ltung byed do// mi na bar slong zhing na ba na za na slong ba na de la nyes byas so// za ba na ltung ba med do// de bzhin du na ba na bslang la mi na ba na za na slong ba de la ltung ba med do// za ba na ltung byed do// de bzhin du na ba
233b₆ na slong zhing na ba na za na gnyi ga la ltung ba med do/ / ltung byed bzhi pa'i lnga pa rdzogs // // gleng gzhi ni mnyan yod na'o// de nas bcu gnyis sde rnams gnas ngan len gyi ltung ba byung nas phan tshun 'chab par byed cing / de dag 'thab pa dang mtshang 'dru bar
233b₇ byed cing phan tshun du gzhi des gleng bar byed pa de dag don nyung ba'i dge slong ma rnams kyis thos nas smod par byed pa'i skabs de bcom ldan 'das la gsol to/ / de nas bcom ldan 'das kyis byung ba 'di dang zhes bya ba nas/ bslab pa bca' ba'i bar du mdzad de/

_{iiif viewer powered by OpenSeadragon}

233a - 234a

Texts on this page