| e-texts navigator |
| བོད་ཡིག |
233a1 ma gang zhes bya ba ni bcu gnyis sde dag go/ / dge slong ngam zhes bya ba ni chos 'di pa'o// dge slong ma'am zhes bya ba ni bcom ldan 'das kyi nyan thos ma'o// dge slob ma zhes bya ba ni dge slob ma'i bslab pa la slob pa gang yin pa'o// dge tshul
233a2 zhes bya ba ni gzhon nu'o/ / dge tshul ma zhes bya ba ni gzhon nu ma'o// lhung bzed dam zhes bya ba ni byin gyis brlabs pa la sogs pa ste/ tha na snod cig shos kyang yin no// chos gos sam zhes bya ba ni bdun po gang yang rung ba'o// dra ba'am zhes bya ba ni dra ba
233a3 nyid do/ / tshwa khug gam zhes bya ba ni lan tshwa'i snod do// ska rags zhes bya ba ni lcag pod dam/ rgya cang gang yang rung ba ste/ dge slong ma'i 'tsho ba'i yo byad ci gang yang rung ba sbas na rkyen de lta bu ma gtogs te ltung byed do// rkyen de lta bu ma gtogs te zhes bya ba ni
233a4 rkyen de lta bu bzhag ste'o/ / ltung byed do zhes bya ba ni gong ma bzhin no// de la ltung bar ji ltar 'gyur zhe na/ dge slong mas ji tsam cung zad dge sbyong gi 'tsho ba'i yo byad sbed na rkyen ma gtogs te thams cad du ltung byed du 'gyur ro// ltung byed bzhi pa'i bzhi pa rdzogs
233a5 / / // gleng gzhi ni mnyan yod na'o// de'i tshe bcom ldan 'das kyis drug sde rnams la brten nas kha zas bsod pa'i dgag pa mdzad nas nad pa la ni rjes su gnang ngo // de nas bcu gnyis sde de dag bram ze dang khyim bdag gi khyim rnams su kha zas bsod pa
233a6 bslangs nas na ba yang longs spyod par byed/ mi na ba yang longs spyod par byed pa dang / dge slong ma rnams kyis bsgo ba na de dag gis ni 'di skad ces bslab pa'i gzhi de ni dge slong rnams la mdzad kyi/ dge slong ma rnams la ni ma yin no zhes smras pa dang / don nyung
233a7 ba'i dge slong ma dag smod par byed pa'i skabs de bcom ldan 'das la gsol to/ / de nas bcom ldan 'das kyis byung ba 'di dang zhes bya ba nas/ bslab pa bca' ba'i bar du mdzad de/ dge slong ma na ba rnams la kha zas bsod pa rjes su gnang ba gang yin pa de dag ni 'di
iiif viewer powered by OpenSeadragon
Texts on this page
D5 - dge slong ma'i 'dul ba rnam par 'byed pa