| e-texts navigator |
| བོད་ཡིག |
231a1 khyad par ni 'di yod de/ dge slong ma de rnams kho na la zhes bya ba nas thal mo gzas pa dang / zhes bya ba'i bar ro// ji tsam na don nyung ba'i dge slong ma dag smod par byed pa'i skabs de bcom ldan 'das la gsol to// de nas bcom ldan 'das kyis byung
231a2 ba 'di dang zhes bya ba nas/ bslab pa bca' ba'i bar du mdzad de/ yang dge slong ma gang khros 'khrugs rngam par gyur te yi ma rangs nas dge slong ma la rdeg par gzas na tha na thal mos kyang rung ste ltung byed do// yang dge slong ma gang zhes bya ba ni sbom dga' mo'o// gzhan
231a3 ni snga ma bzhin no/ / khyad par ni 'di yod de/ gzas na zhes bya ba ni gdengs nas ma brgyab pa'o// ltung byed do zhes bya ba ni gong ma bzhin no// de la ltung bar ji ltar 'gyur zhe na/ de kho na bzhin du ltung ba'i rim pa brjod par bya ste/ dge slong mas ji tsam cung zad
231a4 dge slong ma la gzas na thams cad du ltung byed du 'gyur ro/ / ltung byed bzhi pa'i gnyis pa rdzogs // // dge slong ma'i 'dul ba rnam par 'byed pa/ bam po bcu dgu pa/ gleng gzhi ni mnyan yod na'o// de nas tshe dang ldan pa 'char ka snga dro sham
231a5 thabs bgos lhung bzed dang / chos gos blangs nas mnyan yod du bsod snyoms kyi phyir zhugs te/ mnyan yod du bsod snyoms spyad nas sbed ma'i khyim gang na ba der song ba dang / sbed mas 'char ka rgyang ring po kho na nas 'ong ba mthong ngo // mthong nas kyang 'di skad
231a6 ces smras so/ / 'char ka rab tu byung na da bdag gis ci dag bgyi/ de nas 'char kas sbed ma la 'di skad ces smras so// byang chub sems dpas btsun mo drug khri spangs te rab tu byung na khyod kyis de dag gi rkang pa 'khru bar yang mi khom na de dag ci byed/ des 'di skad
231a7 ces smras so/ / bdag kyang rab tu 'byung lags grang / de nas 'char kas sbed ma la 'di skad ces smras so// khyim gyi bya ba dag legs par spongs shig/ des legs par spangs nas 'char ka dang rgyal po'i khab tu song ste dbyar gnas so// de nas sbed ma rgyal
iiif viewer powered by OpenSeadragon
Texts on this page
D5 - dge slong ma'i 'dul ba rnam par 'byed pa