| e-texts navigator |
| བོད་ཡིག |
230b1 'dru bar byed do/ / bud med ni rang bzhin gyis khro ba yin pas de rang bzhin gyis khros pas khros 'khrugs rngam par gyur nas dge slong ma rnams la ltag dbyug dang / thal lcag gis brdegs pa dang / don nyung ba'i dge slong ma rnams smod par byed pa'i skabs de
230b2 bcom ldan 'das la gsol to/ / de nas bcom ldan 'das kyis byung ba 'di dang zhes bya ba nas/ bslab pa bca' ba'i bar du mdzad de/ yang dge slong ma gang khros 'khrugs rngam par gyur te yi ma rangs nas dge slong ma la rdeg na ltung byed do// yang dge slong ma
230b3 gang zhes bya ba ni sbom dga' mo'o/ / khros zhes bya ba ni kun nas dkris pa'o// 'khrugs rngam par gyur te zhes bya ba ni lhag par zhen nas so// yi ma rangs nas zhes bya ba ni yid mi bde ba skyes pa'o// dge slong ma la zhes bya ba ni chos 'di pa la'o// rdeg na zhes bya
230b4 ba ni sor mo lngas rdeg na'o/ / ltung byed do zhes bya ba ni gong ma bzhin no// de la ltung bar ji ltar 'gyur zhe na/ yang dge slong ma gang khros nas dge slong ma rnams la sor mo gcig gis brdegs na ltung byed du 'gyur ro// de bzhin du sor mo lngas brdegs na ltung byed
230b5 lnga'o/ / de bzhin du lag pa dang / mdzub mo dang / mgo bo dang / ltag pa dang / lus dang / gru mo dang / brla dang / byin pa dang / rkang pa dang / rkang pa'i mthe bos brdegs na thams cad du ltung byed du 'gyur ro// de bzhin du dbyug pa dang / gseg
230b6 ma dang / bong ba la sogs pas brdegs na thams cad du ltung byed du 'gyur ro// gal te phyags mas brdegs na phyags ma'i nyag ma ji snyed phog pa de snyed kyi ltung byed do// ji snyed ma phog pa de snyed ni nyes byas so// de bzhin du mon sran sde'u'i spar bas brdegs
230b7 na mon sran sde'u'i 'bru ji snyed lus la phog pa de snyed kyi ltung byed do/ / ji snyed ma phog pa de snyed kyi nyes byas so// las dang po pa la sogs pa ni ltung ba med do// ltung byed bzhi pa'i dang po rdzogs // // gleng gzhi ni mnyan yod na'o// byung ba snga ma de nyid la
iiif viewer powered by OpenSeadragon
Texts on this page
D5 - dge slong ma'i 'dul ba rnam par 'byed pa