| e-texts navigator |
| བོད་ཡིག |
229a1 la brten nas dmag shom pa'i bslab pa'i gzhi bca' ba mdzad pa dang / de nas bcu gnyis sde de dag dmag shom pa la blta ba'i phyir dong ba dang zhes bya ba nas/ don nyung ba'i dge slong ma dag smod par byed pa'i skabs de bcom ldan 'das la gsol to//
229a2 de nas bcom ldan 'das kyis byung ba 'di dang zhes bya ba nas/ bslab pa bca' ba'i bar du mdzad de/ yang dge slong ma gang dmag shom pa la blta ba'i phyir 'gro bar byed na ltung byed do// yang dge slong ma gang zhes bya ba ni bcu gnyis sde dag go// shom pa zhes bya ba ni
229a3 dmag la mngon par dga' ba'o/ / dmag ces bya ba la dmag ni bzhi ste/ dmag yan lag gcig pa yang yod/ dmag yan lag gnyis pa dang / yan lag gsum pa dang / yan lag bzhi pa yang yod do// dmag yan lag gcig pa ni glang po che pa'i'o//
229a4 yan lag gnyis pa ni glang po che pa dang rta pa'i'o// yan lag gsum pa ni glang po che pa dang / rta pa dang / shing rta pa'i'o// yan lag bzhi pa ni glang po che pa dang / rta pa dang / shing rta pa dang / dpung bu chung gi dmag go// blta ba'i phyir zhes bya ba ni blta ba'i
229a5 phyir ro/ / 'gro na zhes bya ba ni 'gro bar byed na'o// ltung byed do zhes bya ba ni gong ma bzhin no// de la ltung bar ji ltar 'gyur zhe na/ dge slong mas ji tsam cung zad dmag shom pa la blta ba'i phyir 'gro na thams cad du ltung byed du 'gyur ro// dbyar khang lam ka na 'dug
229a6 na ltung ba med do/ / ltung byed gsum pa'i bcu pa rdzogs so// // gleng gzhi ni mnyan yod na'o// gang gi tshe rgyal po gsal rgyal la ri 'or pa dag log pa de'i tshe khyim bdag mgon med zas sbyin la sogs te dge bsnyen rnams kyang rgyal pos spring nas der dong
229a7 ngo / / de'i 'og tu dge 'dun la gsol ba btab nas drug sde rnams dong ngo // de'i tshe drug sde de rnams la zhag gnyis kyi mtha'i bslab pa'i gzhi bca' ba mdzad do// de nas dus gzhan zhig na bcu gnyis sde rnams dmag shom par zhag gnyis kyi mthar
iiif viewer powered by OpenSeadragon
Texts on this page
D5 - dge slong ma'i 'dul ba rnam par 'byed pa