| e-texts navigator |
| བོད་ཡིག |
227a1 brjod nas 'di skad ces bka' stsal to/ / yang dge slong ma gang chu dang so shing ma gtogs te ma byin par kha'i sgo nas mid pa'i zas za na ltung byed do// yang dge slong ma gang zhes bya ba ni chos 'di pa dag go// ma byin par zhes bya ba ni de la sus kyang ma
227a2 byin par gyur pa'o/ / kha'i sgo nas zhes bya ba ni khar za ba'o// bca' ba zhes bya ba ni snga ma bzhin no// chu dang so shing ma gtogs par zhes bya ba ni chu dang so shing bzhag ste'o// ltung byed do zhes bya ba ni gong ma bzhin no// de la ltung bar ji ltar 'gyur zhe na/ dge slong
227a3 mas byin len ma byas pa la byin len byas par 'du shes nas 'chos sam zos na ltung byed do/ / de bzhin du yid gnyis za na ltung byed do// dge slong mas byin len byas pa la byin len ma byas par 'du shes nas zos sam 'chos na nyes byas so// de bzhin du
227a4 yid gnyis za na nyes byas so/ / // bar sdom la/ byin len lnga dang 'bras bu dang // de bzhin rung ba lnga dang ni// seng ge spre'u dom dag gi// de bzhin gshegs pas rjes gnang ste// bar gyi sdom du bsdus pa yin// ltung byed gsum pa'i lnga pa rdzogs // //
227a5 gleng gzhi ni kau shAm+bI na'o// de'i tshe rgyal dang nye rgyal srog chags dang bcas pa'i chu la spyod pa dang / dge slong ma de rnams kyis smras pa/ phu nu mo dag srog chags dang bcas pa'i chu la spyod par ma byed cig/ de dag gis 'di skad ces ci kho mo cag la bgrangs te gtad
227a6 dam/ shar gyi rgya mtsho chen por dong na ci nyes/ lho dang / nub dang / byang gi rgya mtsho chen por dong na ci nyes zhes smras pa dang / don nyung ba'i dge slong ma rnams smod par byed pa'i skabs de bcom ldan 'das la gsol to// de nas bcom ldan 'das kyis byung ba
227a7 'di dang zhes bya ba nas/ bslab pa bca' ba'i bar du mdzad de/ yang dge slong ma gang shes bzhin du srog chags dang bcas pa'i chu la spyod na ltung byed do// yang dge slong ma gang zhes bya ba ni rgyal dang / nye rgyal lo// srog chags dang bcas pa'i chu zhes bya ba la/
iiif viewer powered by OpenSeadragon
Texts on this page
D5 - dge slong ma'i 'dul ba rnam par 'byed pa