| e-texts navigator |
| བོད་ཡིག |
225b1 ba mdzad kyi dge slong ma rnams la ni ma yin no zhes smras pa dang / don nyung ba'i dge slong ma rnams smod par byed pa'i skabs de bcom ldan 'das la gsol to// de nas bcom ldan 'das kyis byung ba 'di dang zhes bya ba nas/ bslab pa bca' ba'i bar du mdzad de/
225b2 yang dge slong ma gang dus ma yin par bza' ba dang / bca' ba 'chos sam zos na ltung byed do// yang dge slong ma gang zhes bya ba ni bcu gnyis sde dag go// dus ma yin pa zhes bya ba la dus ma yin pa ni gnyis te/ dus ma yin pa phyed yol ba dang / dus ma yin pa
225b3 skya rengs ma shar ba'o/ / bca' ba dang / bza' ba zhes bya ba ni bca' ba lnga dang / bza' ba lnga po dag go// 'chos sam/ zos na zhes bya ba ni lkog mar mid na'o// ltung byed do zhes bya ba ni gong ma bzhin no// de la ltung bar ji ltar 'gyur zhe na/ dge slong mas
225b4 dus ma yin pa la dus ma yin par 'du shes nas 'chos sam/ zos na ltung byed do// de bzhin du yid gnyis za na ltung byed do// dge slong mas dus la dus ma yin par 'du shes nas 'chos sam/ zos na nyes byas so// de bzhin du yid gnyis za na nyes byas so//
225b5 ltung byed gsum pa'i gsum pa rdzogs // // gleng gzhi ni mnyan yod na'o// gang gi tshe bcom ldan 'das kyis nag po 'char ka las brten te gsog 'jog byas pa'i zas kyi bslab pa'i gzhi bca' ba mdzad pa de'i tshe bcu gnyis sde rnams kyis bsod snyoms
225b6 la brgyus nas 'bras chan skam po yang logs shig tu len par byed/ 'bras chan gsher ba yang logs shig tu len par byed cing / ji snyed longs spyad pa'i lhag ma de dag skems par byed de/ de dag bskams nas 'jog par byed do// gang gi tshe rlung
225b7 langs par gyur pa'am/ yul ngan byung ba de'i tshe de dag chus sbangs nas mes btsos te longs spyod par byed pa dang / don nyung ba'i dge slong ma dag smod par byed pa'i skabs de bcom ldan 'das la gsol to// de nas bcom ldan 'das kyis byung ba 'di dang
iiif viewer powered by OpenSeadragon
Texts on this page
D5 - dge slong ma'i 'dul ba rnam par 'byed pa