rKTs

e-texts navigator

Volume

Page

224a₁ sras rnams kyi dge sbyong gi tshul dang / tshangs pa'i tshul ni tshig pa yin te/ gang gi phyir bu mo len pa'i bar chad byed do zhes smod par byed pa'i skabs de dge slong ma rnams kyis bcom ldan 'das la gsol to// de nas bcom ldan 'das kyis byung
224a₂ ba 'di dang zhes bya ba nas/ bslab pa bca' ba'i bar du mdzad de/ yang dge slong ma rab tu mang po khyim rnams su dong ba na de dag la gal te bram ze dang / khyim bdag dad pa can rnams skyo ma'am/ snum khur dag gis shin tu stobs par byed la/ 'dod na dge slong
224a₃ ma des lhung bzed do'am/ gsum blang bar bya'o// de las lhag par len na ltung byed do// lhung bzed do'am/ gsum blangs nas khyim gyi phyi rol kun dga'i ra bar song la dge slong ma 'khod pa rnams dang bgo bar bya ste/ de la cho ga ni de yin no// yang dge
224a₄ slong ma zhes bya ba ni bcu gnyis sde dag go/ / khyim rnams su dong ba na zhes bya ba ni bram ze dang / khyim bdag gi khyim rnams su'o// de dag la gal te bram ze dang / khyim bdag dad pa can dag ces bya ba la/ dad pa can zhes bya ba ni sangs rgyas la mngon par dad
224a₅ pa dang / chos dang / dge 'dun la mngon par dad pa zhes bya ba nas/ 'bras bu thob pa zhes bya ba'i bar gang yin pa'o// shin tu zhes bya ba ni chog par ro// stobs par byed na zhes bya ba ni mgron du gnyer na'o// skyo ma zhes bya ba ni phye'i'o// snum khur
224a₆ zhes bya ba ni khur ba'o/ / 'dod na zhes bya ba ni don du gnyer na'o// do'am gsum zhes bya ba la do zhes bya ba ni chen po'i'o// gsum zhes bya ba ni chung ngu dang / 'bring dang / chen po'i'o// de la chen po ni yul ma ga d+hA'i bre'u chung gang ngo // chung ngu ni bre'u
224a₇ chung phyed do/ / de'i bar ma ni bar ma'o// blangs nas khyim gyi phyi rol kun dga' ra bar song nas gtsug lag khang na dge slong ma 'khod pa rnams dang bgo bar bya ste zhes bya ba ni de na yod pa'i dge slong ma dag dang ngo // de las lhag par zhes bya ba ni de las 'das par ro//

_{iiif viewer powered by OpenSeadragon}

223b - 224b

Texts on this page