rKTs

e-texts navigator

Volume

Page

223b₁ phal mo che dag sta gon byed do/ / ji tsam na khyim der dga' bo dang / nye dga' bsod snyoms kyi phyir zhugs nas de gnyis kyis 'di skad ces smras so// mtshan ma bsod snyoms byin cig/ des 'di skad ces smras so// bdag glo ba brel ba zhig mchis so//
223b₂ de gnyis kyis 'di skad ces smras so// khyod ci zhig brel/ des 'di skad ces smras so// g.yas zhar ma rdzong ba la bab lags so// de gnyis kyis 'di skad ces smras so// de ring kho bo cag gi sring mo rdzong na kho bo cag gis de ring kho na bsod snyoms mi rnyed dam/ de
223b₃ dga' ba dang / mgu ba dang / rab tu dga' ba'i yid kyis bsod snyoms mang du byin no// de gnyis kyis bsod snyoms blangs nas dong ngo // de'i 'og tu sbom dga' mo dang / gtsug dga' mo 'ongs nas de gnyis kyis kyang bsod snyoms blangs te dong ngo // ji tsam na
223b₄ rgyal dang / nye rgyal gyis sbom dga' mo dang / gtsug dga' mo lag pa gang zhing lhung bzed gang ba mthong ngo // mthong nas kyang 'di skad ces smras so// phu nu mo dag g.yas zhar ma de ring rdzong ba la bab kyis deng shig/ de nas rgyal dang / nye rgyal yang bsod
223b₅ snyoms kyi phyir de nyid du dong ngo / / de bzhin du rgyal grogs ma dang / rgyal skyong ma dang / de bzhin du bzang mo dang / shin tu bzang mo dang / de bzhin du mdzes dga' mo dang / rgyal ldan ma yang dong nas khyim de na g.yas zhar ma rdzong ba'i ched du sta gon byas pa
223b₆ cung zad ci yod pa de thams cad bcu gnyis sde rnams la byin no/ / ji tsam na yang sta gon bya bar brtsams pa dang / de nas chung ma gsod pa de'i ne'u zla zhig yod pa des smras pa/ g.yas zhar ma ni skyon mang po can yin te/ rgya skyegs shing gi so shing dang /
223b₇ nub tu sngas bstan nyal ba dang // dgongs ka'i zho 'thung g.yas zhar len// zhi ba yang ni gnas nas 'pho// zhes smras te/ de ltar g.yas zhar ma de len pa'i bar chad byas par gyur to// bram ze dang / khyim bdag rnams dge sbyong gi shAkya'i

_{iiif viewer powered by OpenSeadragon}

223a - 224a

Texts on this page