| e-texts navigator |
| བོད་ཡིག |
222a1 dang / chos gos blangs te/ tshong dpon gyi chung ma zhig gi drung du song nas son pa dang 'di skad ces smras so// mtshan ma nad med par gyur cig/ de nas khyim bdag gi chung ma des sbom dga' mo'i phyir stan bting ngo // de nas sbom dga'
222a2 mo stan bting ba la 'dug go/ / 'dug nas rdzas las byung ba'i bsod nams bya ba'i dngos po bdun gyi mdo rgyas par rnam par phye bas khyim bdag gi chung ma de dad par byas nas skabs 'byed du bcug go zhes bya ba nas des smras pa/ gtsug lag khang gi rgyu cung zad cig
222a3 byin cig ces bya ba'i bar ro/ / de nas sbom dga' mos dbyar khang de la stor khung yang med/ chu khung yang med pa/ sbyang gi dbyibs lta bu zhig brtsig par brtsams pa dang / de nas dge slong ma de rnams kyis sbom dga' mo la 'di skad ces smras so// 'phags
222a4 ma bcom ldan 'das kyi sgo khang dang / gtan pa'i gnas ji srid par 'ji ba'i rim pa gnyis sam gsum brtsig par bya'o zhes bka' stsal pa ma yin nam/ des 'di skad ces dge slong rnams la bka' stsal gyi dge slong ma rnams la ni ma yin no// de lta mod kyi bu
222a5 zan gyi bu mo dag/ kye kho mo sde snod gsum pa yin pas gtsug lag khang ci 'dra bar brtsigs par shes so zhes smras pa dang / don nyung ba'i dge slong ma rnams smod par byed pa'i skabs de dge slong ma rnams kyis dge slong dag la smras pa dang / dge slong dag gis
222a6 bcom ldan 'das la gsol to/ / de nas bcom ldan 'das kyis byung ba 'di dang zhes bya ba nas/ bslab pa bca' ba'i bar du mdzad de/ dge slong mas gtsug lag khang chen po zhig rtsig tu 'jug na sgo khang dang / gtan pa dang / snang ba'i gnas ji tsam pa'i
222a7 'du shes kyis sa brtag pa nas bzung ste 'ji ba'i rim pa gnyis sam gsum brtsig par bya'o/ / de las lhag par rtsig na ltung byed do// chen po zhes bya ba la chen po ni gnyis te/ sbyin par bya ba las dang / tshad las te/ don 'di la ni sbyin par bya ba las yin par
iiif viewer powered by OpenSeadragon
Texts on this page
D5 - dge slong ma'i 'dul ba rnam par 'byed pa