| e-texts navigator |
| བོད་ཡིག |
221b1 'jug na ltung byed do/ / yang dge slong ma gang zhes bya ba ni sbom dga' mo'o// srog chags dang bcas pa'i zhes bya ba la srog chags ni gnyis te/ gang dag mig lam du snang bar 'gyur ba dang / gang dag chu tshags kyis zin par 'gyur ba'o// chus zhes bya ba
221b2 ni chus rtswa'am/ sa'am/ 'ji ba'am/ lci ba'am/ lud la'o// 'debs sam zhes bya ba ni bdag nyid kyis so// 'debs su bcug na zhes bya ba ni gzhan dag go// ltung byed do zhes bya ba ni gong ma bzhin no// de la ltung bar ji ltar 'gyur zhe na/ srog
221b3 chags dang bcas pa'i chu la srog chags dang bcas par 'du shes te 'debs sam/ 'debs su 'jug na ltung byed do// de bzhin du yid gnyis za na ltung byed do// dge slong mas srog chags med pa'i chu la srog chags dang bcas par 'du shes nas 'debs sam/ 'debs
221b4 su 'jug na nyes byas so/ / de bzhin du yid gnyis za na nyes byas so// dge slong mas yur ba 'dren par byed na der srog chags ji snyed shi ba de snyed kyi ltung byed du 'gyur ro// ji snyed ma shi ba de snyed kyi nyes byas su 'gyur ro// de bzhin du rgyun gcod par byed pa
221b5 dang / zhing gi dka' gcod pa dang / 'gog cing gtong ba ste/ thams cad du gzhi ji lta ba bzhin du 'gyur ro// ltung byed gnyis pa'i brgyad pa rdzogs // // dge slong ma'i 'dul ba rnam par 'byed pa/ bam po brgyad pa/ gleng gzhi ni
221b6 mnyan yod na'o/ / gang gi tshe bcom ldan 'das kyis/ bsod nams dag ni bya ba ste// bsod nams ma byas sdug bsngal 'gyur// 'jig rten 'di dang pha rol du// bsod nams byas pa dga' bar 'gyur zhes bka' stsal pa de'i tshe/ dge slong ma de dag
221b7 gis gnas khang dang / ra ba dang / sgo khang la sogs pa bya bar brtsams so// de nas sbom dga' mos bsams pa/ bdag gis 'di lta bu'i bsod nams kyi phung po las yongs su nyams so snyam du bsams nas snga dro sham thabs bgos/ lhung bzed
iiif viewer powered by OpenSeadragon
Texts on this page
D5 - dge slong ma'i 'dul ba rnam par 'byed pa