| e-texts navigator |
| བོད་ཡིག |
220b1 te phyis gnon byas nas stan la 'dug par byed na ltung byed do/ / yang dge slong ma gang zhes bya ba ni sbom dga' mo'o// shes bzhin du zhes bya ba ni bdag nyid kyis sam gzhan gyis smras par gyur pa'o// snga nas 'khod par zhes bya ba ni snga nas 'dug par ro//
220b2 phyis gnon byas nas zhes bya ba ni 'phral du mthus so// stan la zhes bya ba ni gding ba la'o// 'dug par byed na zhes bya ba ni 'dug par byed pa'am/ lus snyol bar byed pa'o// su la gnod par 'gyur ba zhes bya ba ni go mi 'tshugs pa gang yin pa'o// de 'gro
220b3 bar 'gyur grang zhes bya ba ni de langs te 'gro ba'o/ / de nyid rkyen du byas te zhes bya ba ni gzhan ma yin pa'o// de la ltung bar ji ltar 'gyur zhe na/ dge slong mas ji tsam cung zad dge slong ma dag snga nas 'khod par shes bzhin du su la gnod par 'gyur ba de 'gro
220b4 bar 'gyur grang zhes phyis gnon byas nas stan la 'dug par byed na thams cad du ltung byed du 'gyur ro/ / gal te nad pa yin na ltung ba med do// gal te skrag pa yin na ltung ba med do// ltung byed gnyis pa'i drug pa rdzogs // // gleng gzhi ni mnyan yod
220b5 na'o/ / de'i tshe sbom dga' mo 'khor dang bcas te ljongs rgyu zhing song ba na mnyan yod du phyin to// bcom ldan 'das kyi bstan pa la dge slong dang / dge slong ma rnams gnas mal 'ged par byed pa 'di ni lugs yin pas de nas dge slong ma'i dbyar khang gi
220b6 gnas mal 'ged pa na sbom dga' mo'i skal bar steng gi yang thog cig bab pa las de shes bzhin dang mi ldan par gnas mal de la 'dug ste/ de 'dug pa na khri'i rkang pas khang thog rdol bar byas te/ khri'i rkang pa ltung bas de'i 'og na dge slong ma zhig yod
220b7 pa'i mgo bo brtol ba dang / don nyung ba'i dge slong ma dag smod par byed pa'i skabs de dge slong ma rnams kyis dge slong dag la smras pa dang / dge slong dag gis bcom ldan 'das la gsol to// de nas bcom ldan 'das kyis byung ba 'di dang zhes bya ba nas/ bslab
iiif viewer powered by OpenSeadragon
Texts on this page
D5 - dge slong ma'i 'dul ba rnam par 'byed pa