rKTs

e-texts navigator

Volume

Page

218a₁ gang gis bshad pa ma shes nas/ bcom ldan 'das kyis bka' stsal pa/ spobs pa'i mthu dang ldan par gyur pa gang yin pa des bshad par bya'o// de nas rgan rims mthu dang ldan pa ma yin par gyur nas/ 'og ma gzhon rims dag 'chad par
218a₂ byed pa na de dag rgan rims nas gzhon rims su dong nas nyan par byed pas rgan rims de dag mi brjed par gyur nas/ bcom ldan 'das kyis bka' stsal pa/ chos smra ba'i seng ge'i khri bsham par bya zhing seng ge'i khri las smra bar bya'o// gang gi tshe bcom ldan 'das kyis
218a₃ seng ge'i khri las smra bar bya'o zhes bka' stsal pa de'i tshe mdo ring po dag rgyas par smra bar byed pa na khyim pa mo rnams skyo bar gyur nas/ bcom ldan 'das kyis bka' stsal pa/ cha gsum pa dang / lnga pa nas cha gsum pa dang / ston pa yongs su bsgrags pa la tshar bsrang
218a₄ ste smra bar gnang ngo zhes bya ba'i bar ro/ / ji tsam na khyim bdag mo rnams zas dag g.yo bar byed pa na de rnams snod spyad dag rnyen par byed nas/ bcom ldan 'das kyis bka' stsal pa/ rnyos shig/ stan dag rnyen par byed nas/ bcom ldan 'das kyis bka' stsal
218a₅ pa/ rnyos shig/ de nas de dag grong du mgron du 'bod nas/ bcom ldan 'das kyis bka' stsal pa/ der yang dong la longs spyad par bya'o// de nas khyim bdag mo rnams kyis de dag la 'di skad ces 'phags ma dag khyed cag ci'i slad du chab snod dag snoms te ma
218a₆ byon zhes zer nas/ bcom ldan 'das kyis bka' stsal pa/ der yang bum pa dang / ril ba dang / stan dang / seng ge'i khri dag bkur bar bya'o// ji tsam na dge slong ma nad pa zhig yod pa des 'di skad ces smras so// kye phu nu mo dag 'chi bar 'gyur ro//
218a₇ de dag gis 'di skad ces smras so// ci ste/ des 'di skad ces smras so// kho mo nad pa la 'dri ba 'ga' yang med do zhes byas nas/ bcom ldan 'das kyis bka' stsal pa/ nad pa la blta bar bya'o// lta bar mi byed na 'gal tshabs can du 'gyur ro// gang

_{iiif viewer powered by OpenSeadragon}

217b - 218b

Texts on this page