| e-texts navigator |
| བོད་ཡིག |
215a1 ba'am/ 'o mas lhung bzed bkang bas 'gro ba zhig mthong ngam/ zhes zer ba de la des 'di skad ces dge slong ma rkang gis 'gro ba zhig mthong ngo zhes zer te gzhan dris na lan gzhan ldon par byed cing bsgo ba gcog pa'i bsam pas yin na
215a2 ltung byed du 'gyur ro/ / dge slong ma dge slong ma'i drung du song ste 'di skad ces khyod kyis dge slong ma skra bregs nas ring po ma lon pa/ snam sbyar dmar ser can lhung bzed zha nye'i dbyar 'dab can 'khar gsil lcags kyis dkris pas byung ba zhig mthong ngam zhes zer ba
215a3 na zhes bya ba nas gzhan thams cad brjod de bsgo ba gcog pa'i bsam pas yin na ltung byed du 'gyur ro zhes bya ba'i bar ro/ / dge slong mas dge slong ma'i drung du song ste khyod kyis lam 'di nas khyim pa bu ram shing gi khur ram/ 'dam bu'am/ smyig ma'am/ mda'i
215a4 khur ram/ mar gyi bum pa'am/ 'bru mar ram/ sbrang rtsi'am/ bu ram gyi dbu ba'i bum pas 'gro ba mthong ngam/ zhes zer ba na de 'di skad ces kho mos khyim pa rkang pas 'ong ba zhig mthong gi rgyu gzhan dag gis ni ma yin no zhes zer te/ gzhan dris na lan
215a5 ldon par byed cing bsgo ba gcog pa'i bsam pas yin na ltung byed du 'gyur ro/ / dge slong ma dge slong ma'i drung du song nas 'di skad ces khyod kyis lam 'di nas khyim pa mo thams cad sngo ba'am/ thams cad ser ba'am/ thams cad dmar ba'am/ thams cad
215a6 dkar ba bgos pas 'gro ba mthong ngam zhes 'dri ba na de 'di skad ces kho mos khyim pa mo rkang gis 'gro ba zhig mthong ngo zhes zer te/ gzhan dris na lan gzhan ldon par byed cing bsgo ba gcog pa'i bsam pas yin na ltung byed du 'gyur ro// gal te gshed ma'i
215a7 drung nas bros pa zhig gshed mas rjes thogs la de dge slong ma'i drung du song nas 'di skad ces 'phags ma khyod kyis lam 'di nas gsad pa zhig bros pa gzigs sam zhes dris na des de la gsod pa'i gshed ma la rigs pas brjod par bya ste/ gal te tsha ba'i dus
iiif viewer powered by OpenSeadragon
Texts on this page
D5 - dge slong ma'i 'dul ba rnam par 'byed pa