| e-texts navigator |
| བོད་ཡིག |
213b1 pa/ dge slong ma dag dge slong ma mdza' mo ngor 'phya ba'i grangs su chug shig/ grangs su gzhug pa ni 'di ltar bya ste/ gnas mal bshams pa byas nas zhes bya ba nas/ 'phags ma'i dge 'dun phu nu mo dag bdag la gsan du gsol/ dge slong ma
213b2 mdza' mo 'di tshe dang ldan pa gyad bu nor la ngor 'phya lags kyis/ gal te 'phags ma'i dge 'dun gyis dus la bab cing bzod na 'phags ma'i dge 'dun gyis gnang bar mdzod cig dang / dge slong ma mdza' mo ngor 'phya ba'i grangs su stsal to// 'di ni gsol
213b3 ba'o/ / de bzhin du las kyang brjod par bya'o// 'on kyang gzhogs 'phyas kyis 'phya bar byed pa nas zhes bya ba nas/ bcom ldan 'das kyis bka' stsal pa/ dge slong ma dag dge slong ma mdza' mo gzhogs 'phyas byed pa'i grangs su chug shig ces bya
213b4 ba'i bar te/ 'di ni gsol ba'o// las kyang brjod par bya'o// phyi nas gzhogs 'phyas dang / ngor 'phya ba gnyis ka byed na zhes bya ba nas/ bcom ldan 'das kyis bka' stsal pa/ dge slong ma mdza' mo gnyi gar 'phya ba'i grangs su chug shig ces bya
213b5 ba'i bar te/ gsol ba dang / las kyang brjod par bya'o// de de ltar bsgo yang 'phya bar byed pa na don nyung ba'i dge slong ma dag smod par byed pa'i skabs de bcom ldan 'das la gsol to// de nas bcom ldan 'das kyis byung ba 'di dang / zhes bya ba nas bslab
213b6 pa bca' ba'i bar du mdzad de/ 'phya'am gzhogs 'phyas byed na ltung byed do// 'phya'am zhes bya ba ni 'phya ba'i bsam pa can gyi gang ngag dang tshig dang / brjod pa zhes bya ba'i bar gong ma bzhin no// de la ltung bar ji ltar 'gyur zhe na/ dge slong ma grangs
213b7 su bcug par gyur pas yang dge 'dun gyis bskos pa'i dge slong ma bcu gnyis po sbyor ba ma btang ba rnams la 'phya na ltung byed do/ / gzhogs 'phyas byed na ltung byed do// 'phya ba dang gzhogs 'phyas byed na ltung byed do// dge slong ma grangs su bcug par gyur
iiif viewer powered by OpenSeadragon
Texts on this page
D5 - dge slong ma'i 'dul ba rnam par 'byed pa