rKTs

e-texts navigator

Volume

Page

210a₁ zhes bya ba la sa bon ni lnga ste/ rtsa ba'i sa bon dang / sdong bu'i sa bon dang / thor to'i sa bon dang / 'gas pa'i sa bon dang / sa bon gyi sa bon ni lnga pa'o// de la rtsa ba'i sa bon ni gla sgang dang / shu dag dang / yungs dang / sge'u gsher dang / bong
210a₂ nga dkar po dang / gzhan yang de lta bu'i rtsa ba ste rtsa ba nyid sa bon du 'gyur ba gang yin pa 'di ni rtsa ba'i sa bon zhes bya'o// sdong bu'i sa bon gang zhe na/ shing kan tsa na dang / pi ta la dang / a shwat+tha dang / u dum bA ra dang / n+ya gro d+ha dang / gzhan yang de lta bu'i
210a₃ sdong bu ste/ sdong bu nyid sa bon du 'gyur ba gang yin pa 'di ni sdong bu'i sa bon zhes bya'o// thor to'i sa bon gang zhe na/ bu ram shing dang / 'dam bu dang / smyig ma dang / rgya mtsho ba dang / rtswa ka sha dang gzhan yang de lta bu'i thor to ste thor to nyid sa bon du
210a₄ 'gyur ba gang yin pa 'di ni thor to'i sa bon zhes bya'o/ / 'gas pa'i sa bon gang zhe na/ ardza ka dang / sardza ka dang / se yab dang / rtswa mkhris dang / b+hu drin ka dang / gzhan yang de lta bus 'gas shing sa bon du 'gyur ba gang yin pa 'di ni 'gas pa'i sa
210a₅ bon zhes bya'o/ / sa bon gyi sa bon gang zhe na/ nas dang / gro dang / sA lu dang / mon sran sde'u la sogs pa dang / gzhan yang sa bon gyi sa bon du 'gyur ba gang yin pa de ni sa bon gyi sa bon zhes bya ste lnga pa nyid yin no// 'byung po'i gnas zhes bya ba la
210a₆ 'byung po zhes bya ba ni sbrul dang / sdig sbrul dang / tre ma bu ka dang / trai la ta dang / srin bu dang / phye ma leb dang / til gyi phub ma za ba ste/ de dag gi shing gang yin pa ni 'byung po'i gnas zhes bya'o// gcod dam zhes bya ba ni rang gis so// gcod du
210a₇ 'jug na zhes bya ba ni gzhan no/ / ltung byed do zhes bya ba ni gong ma bzhin no// de la ltung bar ji ltar 'gyur zhe na/ dge slong mas rtsa ba'i sa bon la rtsa ba'i sa bon du 'du shes shing sngon po la sngon por 'du shes nas gcod dam gcod du 'jug na ltung byed do// dge

_{iiif viewer powered by OpenSeadragon}

209b - 210b

Texts on this page