| e-texts navigator |
| བོད་ཡིག |
209a1 bcom ldan 'das kyis byung ba 'di dang zhes bya ba nas/ bslab pa bca' ba'i bar du mdzad de/ yang dge slong ma gang zla ba phyed phyed cing so sor thar pa'i mdo gdon pa 'don pa na 'di skad ces 'phags ma dag ji tsam dge slong ma rnams 'gyod pa
209a2 dang / yid la gcags pa dang / yid mi bde ba dang / gnod pa dang / gdung bar 'gyur ba'i bslab pa'i gzhi phran tshegs rab tu phra ba 'di dag zla ba phyed phyed cing so sor thar pa'i mdo gdon pa las bton pas ci zhig bya zhes zer na ltung byed do// yang dge slong ma
209a3 gang zhes bya ba ni sbom dga' mo'o/ / zla ba phyed phyed cing zhes bya ba ni zla ba phyed phyed cing ngo // so sor thar pa zhes bya ba ni phas pham par 'gyur ba brgyad dang / dge 'dun lhag ma nyi shu dang zhes bya ba nas/ ltung byed brgya brgyad bcu dang / so sor bshags pa bya ba bcu
209a4 gcig dang / bslab pa mang po dang / rtsod pa zhi bar byed pa bdun dang / 'dul ba gzhi bcu bdun dang / phran tshegs dang / sil bu dang / gleng gzhi dang / 'dul ba ma mo dang / 'dul ba gcig las 'phros pa dang / 'dul ba lnga pa dang / 'dul ba bcu drug pa
209a5 dang / nye ba 'khor gyis zhus pa las 'byung ba'o// mdo zhes bya ba ni legs par sbyar ba'o// gdon pa zhes bya ba ni rab tu ston pa'o// 'di skad zer na zhes bya ba ni smra na'o// phu nu mo dag 'di dag ci dgos zhes bya ba ni gang la gang zag mngon zhing grong dang / zhing
209a6 dang / gzhi yang mngon pa ji tsam gyi dge slong ma rnams 'gyod pa dang / yid la gcags pa dang / yid mi bde ba dang / gnod pa dang / gdung ba'o// ltung byed do zhes bya ba ni gong ma bzhin no// de la ltung bar ji ltar 'gyur zhe na/ dge slong mas ji tsam cung
209a7 zad zla ba phyed phyed cing so sor thar pa'i mdo gdon pa 'don pa na dge slong ma rnams la 'di skad ces phu nu mo ji tsam gyis dge slong ma rnams 'gyod par 'gyur ba'i bslab pa'i gzhi phran tshegs rab tu phra ba 'di dag ci dgos zhes bya ba'i bar du zer na ltung byed do/ / yid la
iiif viewer powered by OpenSeadragon
Texts on this page
D5 - dge slong ma'i 'dul ba rnam par 'byed pa