| e-texts navigator |
| བོད་ཡིག |
205b1 skad ces phu nu mo dag khyed dge slong ma sdig can sa bon tshig pa bzhin du skye ba'i mthu med pa 'dis bstan pa la tshod ma 'dzin cig/ de lta mod kyi dge slong ma gnas brtan gnas brtan dag gis bstan pa 'di la tshad zung shig ces bsgo bar bgyi ste 'di ni gsol ba'o//
205b2 de ltar gsol ba 'ba' zhig pa byas nas dge slong ma de rnams kyis gang du skye bo'i tshogs chen po yod pa der so sor go bar bya'o// gang du ma dad par byas pa der brjod par bya'i ltogs pa kho nas shi bar gyur na mi rung bas gzhan du ni brjod par mi bya'o// de nas
205b3 bcom ldan 'das kyis byung ba 'di dang zhes bya ba nas/ bslab pa bca' ba'i bar du mdzad de/ yang dge slong ma gang gang zag bsnyen par ma rdzogs pa rnams la gnas ngan len gyi ltung ba brjod na dge 'dun gyis gnang ba ma gtogs te ltung byed do// yang dge
205b4 slong ma gang zhes bya ba ni chos 'di pa'o/ / brjod na zhes bya ba ni smra na'o// dge 'dun gyis gnang ba ma gtogs te zhes bya ba ni dge 'dun gyis gnang ba bzhag ste'o// ltung byed do zhes bya ba ni gong ma bzhin no// de la ltung bar ji ltar 'gyur zhe na/ dge slong mas
205b5 dge slong ma la mthar 'gyur ba'i ltung ba mthong la des ma rig pa la ma rig pa'i 'du shes kyis brjod na ltung byed do/ / de bzhin du ma rig pa la yid gnyis za na ltung byed do// dge slong mas dge slong ma la mthar 'gyur ba'i ltung ba mthong ba la des rig pa la ma
205b6 rig par 'du shes na nyes byas so/ / de bzhin du rig pa la yid gnyis za na nyes byas so// ras la ri mor bris pa ltar ji ltar bdag gis shes pa de bzhin du 'jig rten thams cad kyis shes pa la ni ltung ba med do// ltung byed bdun pa rdzogs // //
205b7 sangs rgyas bcom ldan 'das yangs pa can na spre'u rdzing gi 'gram khang pa brtsegs pa'i khang na bzhugs so// de'i tshe mu ge mi bzad pa dgon pa slong mo pas zas rnyed par dka' ba byung ngo // de nas dge slong ma rab tu mang po ljongs shig tu dong ba dang / bsod
iiif viewer powered by OpenSeadragon
Texts on this page
D5 - dge slong ma'i 'dul ba rnam par 'byed pa