| e-texts navigator |
| བོད་ཡིག |
204b1 brjod par mi bya'o zhes de ltar dgag pa mdzad do// de nas dge slong ma drang mo zhes bya ba ci nas kyang skye bo'i tshogs chen po ma dad pa rig par 'gyur ba de lta de ltar khyim rnams su spyod par byed pa'i skabs de bcom ldan 'das la gsol pa dang / bcom ldan 'das kyis
204b2 bka' stsal pa/ khyim du so sor go bar byed pa'i dge slong ma bsko bar bya'o// bcom ldan 'das kyis bka' stsal pa ma shes nas bcom ldan 'das kyis bka' stsal pa/ dge slong ma chos lnga dang ldan pa khyim du so sor go bar byed pa bsko bar bya ste/ lnga gang zhe na/
204b3 'dun pas mi 'gro ba dang / zhe sdang gis mi 'gro ba dang / gti mug gis mi 'gro ba dang / 'jigs pas mi 'gro ba dang / so sor go bar bya ba dang / so sor go bar ma byas pa'i khyim shes pa'o// bsko ba ni 'di ltar bya ste/ gnas mal bshams pa byas
204b4 la zhes bya ba nas/ 'phags ma'i dge 'dun phu nu mo dag bdag la gsan du gsol/ dge slong ma drang mo 'di gang gis na skye bo'i tshogs chen po ma dad par rig par 'gyur ba de lta de ltar khyim rnams su spyod par bgyid de/ ming 'di zhes bgyi ba 'di khyim
204b5 rnams su so sor go bar bgyid par spro na/ gal te 'phags ma'i dge 'dun gyis dus la bab cing bzod na 'phags ma'i dge 'dun gyis gnang bar mdzod cig dang / ming 'di zhes bgyi ba gang lags pa 'di dge slong ma drang mo'i slad du khyim du so sor go bar bgyid
204b6 par bsko bar bgyi ste/ ming 'di zhes bgyi ba gang lags pas dge slong ma drang mo'i slad du khyim rnams su phu nu mo dag khyed cag dge slong ma drang mo sa bon tshig pa lta bu/ sa bon nyams pa lta bu 'dis bstan pa la tshod ma 'dzin cig/ 'phags ma skye
204b7 dgu'i bdag mo chen mos bstan pa'i tshad zung shig/ gau ta mI skem mo dang / ut+pa la'i mdog dang / chos sbyin dang / 'phags ma tshul ldan gyis tshad zung shig/ ces so sor go bar bgyid par 'gyur ro// 'di ni gsol ba'o// las ni 'di ltar
iiif viewer powered by OpenSeadragon
Texts on this page
D5 - dge slong ma'i 'dul ba rnam par 'byed pa