| e-texts navigator |
| བོད་ཡིག |
204a1 sogs shig/ de dag gis 'di skad ces smras so// ci'i phyir 'di dag sangs rgyas dang / chos dang / dge 'dun la sogs pa la mchod pa'i don du brtson par byed/ de dag gis 'di skad ces smras so// ltung ba 'di dang 'di dag byung ngo //
204a2 de dag gis thos nas gang la rgan mo rnams kyang 'di 'dra ba'i gnas skabs su gyur na gzhon nu ma rnams la ji lta bu zhig tu 'gyur/ zhes yid la gcags par gyur to// bcu gnyis sde dag gis don de rtogs par byas nas de dag gis dge tshul gzhon nu ma rnams
204a3 la dris pa/ khyed kyi mkhan mo dang / slob dpon dag ci byed/ de rnams kyis 'di skad ces smras so// bsod nams bgyid do// de nas bcu gnyis sde dag gis 'di skad ces smras so// khyod bsod nams 'di 'dra ba byos shig/ dge tshul ma de rnams
204a4 kyis 'di skad ces smras so/ / de ci lags/ de nas bcu gnyis sde dag gis de dag gi dge tshul ma rnams la 'di skad ces smras so// ci khyed kyi snying lam na khyed kyi mkhan mo dang / slob dpon 'di dag 'di la chos bzang ngo zhes sangs rgyas dang / chos dang / dge 'dun
204a5 la sogs pa la bsnyen bkur byed snyam mam/ de lta mod kyi ltung ba 'di dang 'di dag byung ngo // gang gi tshe dge slong ma de dag ltung ba de las langs par gyur pa de'i tshe de dag gi dge tshul gzhon nu ma de dag la dge tshul ma dag las dag gyis shig ces bsgo ba na/ de dag
204a6 gis smras pa/ khyed cag ci'i phyir mi mdzad/ gnas brtan mo de dag gis 'di skad ces smras so// kho mo cag gis mi rung ngo // dge tshul ma rnams kyis yang 'di skad ces smras so// kha cig rung na kha cig mi rung ngam/ dge slong ma de rnams kyis 'di
204a7 skad ces smras so/ / khyed la sus smras/ de dag gis 'di skad ces bcu gnyis sde dag gis so zhes smras pa na don nyung ba'i dge slong ma dag smod par byed pa'i skabs de bcom ldan 'das la rgyas par gsol to// bcom ldan 'das kyis bka' stsal pa/
iiif viewer powered by OpenSeadragon
Texts on this page
D5 - dge slong ma'i 'dul ba rnam par 'byed pa