| e-texts navigator |
| བོད་ཡིག |
203a1 skyes pa'i mdun du tshig lnga'am/ drug gi chos ston na rig pa'i bud med ma gtogs te ltung byed do// yang dge slong ma gang zhes bya ba ni bcu gnyis sde dag go// tshig lnga zhes bya ba ni gzugs la sogs pa'o// tshig drug gis zhes bya ba ni mig la sogs
203a2 pa'o/ / rig pa'i bud med ma gtogs te zhes bya ba ni rig pa'i bud med bzhag ste'o// ltung byed do zhes bya ba ni gong ma bzhin no// de la ltung bar ji ltar 'gyur zhe na/ yang dge slong ma gang zhig ched du bsams te skyes pa la tshig lnga'i chos ston pa na tshig
203a3 drug par thal bar byed na ltung byed do/ / de bzhin du steng gi sar bshad nas zhes bya ba nas khyim du zhes bya ba'i bar te thams cad du ltung byed du 'gyur ro// de bzhin du ched du bsams te tshig drug gi chos ston pa na tshig bdun par thal bar byed na ltung byed do//
203a4 gal te dri ba 'dri na ltung ba med do// las dang po la sogs pa la yang ltung ba med do// ltung byed lnga pa rdzogs // // gleng gzhi ni mnyan yod na'o// de'i tshe bcu gnyis sde rnams bsnyen par ma rdzogs pa'i bud med dang / skyes pa dang / khye'u
203a5 dang / bu mo la sogs pa la kha bstams te chos 'don du 'jug go// de nas dbyar khang de na dper na rtsis sa na rtsis kyi slob dpon rnams kyis bzhin du sgra mthon po dang / sgra chen po byung ba na don nyung ba'i dge slong ma dag smod par byed do// de nas bcom ldan
203a6 'das kyis zhes bya ba nas bslab pa bca' ba'i bar du mdzad de/ yang dge slong ma gang gang zag bsnyen par ma rdzogs pa rnams la kha bstams te chos 'don du 'jug na ltung byed do// yang dge slong ma gang zhes bya ba ni bcu gnyis sde dag go// gang zag
203a7 bsnyen par ma rdzogs pa zhes bya ba la/ bsnyen par rdzogs pa ni gnyis te/ dge slong dang / dge slong ma'o// lhag ma rnams ni bsnyen par ma rdzogs pa'o// kha bstams te zhes bya ba ni tshig mnyam pa dang / tshig lhag pa dang / yi ge mnyam pa dang /
iiif viewer powered by OpenSeadragon
Texts on this page
D5 - dge slong ma'i 'dul ba rnam par 'byed pa