| e-texts navigator |
| བོད་ཡིག |
199b1 gong du bshad pa bzhin du rgyas par brjod par bya'o/ / de la skud ris mkhan dang bzang mkhan dang // lcags mgar dang ni lham mkhan dang // rdza mkhan 'dreg mkhan shing mkhan dang // smig ma mkhan dang bran mo'o// 'di ni bzo zhes bya ba yin no// dge
199b2 slong mas bram ze las rab tu byung ba'i dge slong ma'i drung du song ste 'di skad ces/ 'phags ma khyod la dge slong ma che ge mo zhig 'di skad ces khyod la dge sbyong gi tshul dang / tshangs pa'i tshul gyis ci zhig bya/ khyod ni bram ze las rab tu byung ba yin pas khyod
199b3 kyis rang gi gzhung lugs kyi las bya dgos so zhes zer ro zhes smras shing / las sgrogs par byed na nyes byas so// de bzhin du rgyal rigs las rab tu byung ba la zhes bya ba nas/ nyes byas so zhes bya ba'i bar ro// de bzhin du rje'u rigs las rab tu byung ba
199b4 la zhes bya ba nas/ ltung byed do zhes bya ba'i bar ro// de bzhin du dmangs rigs las rab tu byung ba la zhes bya ba nas/ ltung byed do zhes bya ba'i bar te/ ji ltar gong du bshad pa bzhin bar sdom de rgyas par brjod par bya'o// rigs dang bzo dang las dang ni//
199b5 rtags dang nad ni lnga pa yin// ltung ba dang ni nye nyon mongs// spyo bar byed pa tha ma yin// ltung byed gsum pa rdzogs // // gleng gzhi ni mnyan yod na'o// de'i tshe bcu gnyis sde rnams kyis rtsod pa nye bar zhi bar byas pa rnams rtsod pa 'di ni shad kyis ma byang
199b6 ste/ yang shad kyis sbyang bar bya'o// rtsod pa 'di ni nges par ma brtags te yang nges par brtag par bya'o// rtsod pa 'di ni legs par gtan la ma phab ste yang legs par gtan la dbab par bya'o// rtsod pa 'di ni nye bar zhi bar ma byas te yang nye bar zhi bar bya'o
199b7 zhes yang dang yang du skyo sngogs byed do/ / de nas dge slong ma de rnams 'thab mo dang / mtshang 'dru ba dang / rtsod pa byung zhing mtshang 'dru bar gyur pas gnas shing lung mnod pa dang / klog pa dang / kha ton dang / rnal 'byor dang / yid la byed pa dang / nang gi
iiif viewer powered by OpenSeadragon
Texts on this page
D5 - dge slong ma'i 'dul ba rnam par 'byed pa