| e-texts navigator |
| བོད་ཡིག |
198b1 gnas su song ba'i srog chags de dag kyang phra mas kun du spyad pa na ji tsam na gcig la gcig gsod par byed na bud med lhag par khro ba lta smos kyang ci dgos zhes sngon gyi sbyor ba 'di rgyas par brjod par bya'o/ / gzhan yang sngon gyi sbyor ba ni dge slong ma dag sngon
198b2 byung ba seng ge phru gu btsas nas ring po ma lon pa zhig ma spyod yul du song ba dang ltogs shing 'phyan pa na/ de dang ha cang yang mi ring ba zhig na stag mo zhig 'brangs so// de 'phyan pa na stag mo zhig dang phrad nas nu ma bsnun par brtsams so zhes bya ba nas/ gnas
198b3 gcig tu 'khod do zhes bya ba'i bar ro/ / de la yang seng ge'i ming ni mche zhes bya'o// stag gi ming ni dpung zhes bya'o zhes bya ba nas/ de gnyis la yang wa zhig gis dbyen bya bar brtsams so zhes bya ba'i bar ro// ji tsam na seng ges tshigs
198b4 su bcad de smras pa/ chu zheng phun sum tshogs pa dang // rtsal dang shugs dang ldan pa yi// mche la ni rgol byed pa// dpung de ni legs pa min// dpung smras pa/ chu zheng phun sum tshogs pa dang // rtsal dang shugs dang ldan
198b5 pa yi/ / dpung la ni rgol byed pa// mche de ni legs pa min// de gnyis kyis gcig la gcig dris nas zhes bya ba nas wa bsad do zhes bya ba'i bar ro// ji tsam na lhas tshigs su bcad de smras pa/ gzhan gyi tshig gis grogs po mi
198b6 spang ste/ / gzhan gyis smras pa dag ni brtag par bya// dbye bar 'dod pa rnams ni glags tshol byed// de bas skye bo phra ma yid mi rton// grogs po 'byed pa'i phra ma can// du smra ba'i wa skyes po// grong rgyun skyes te ro 'di ni// bsad nas bde
198b7 bas dga' bar byed/ / dge slong ma dag re zhig dud 'gro'i skye gnas su song ba'i srog chags de dag kyang gcig la gcig phra mas kun du spyad pa na/ sdug bsngal dang yid mi bde ba mang po gnas par byed na/ bud med lhag par khro ba lta smos kyang ci dgos/
iiif viewer powered by OpenSeadragon
Texts on this page
D5 - dge slong ma'i 'dul ba rnam par 'byed pa