| e-texts navigator |
| བོད་ཡིག |
198a1 brjod par bya'o/ / las dang po la sogs pa la ni ltung ba med do// ltung byed gnyis pa rdzogs // // gleng gzhi ni mnyan yod na'o// de'i tshe dge slong ma bcu gnyis sde rnams phra mas kun du spyod par byed de/ tshu bi las thos nas pha bi dag la
198a2 rjod par byed/ pha bi las thos nas tshu bi dag la rjod par byed pa na de dag phye ste phyogs gnyis su gyur pas phan tshun sdug bsngal zhing yid mi bde ba skyes la/ lung mnod pa dang / bklag pa dang / kha ton dang / rnal 'byor dang / yid la bya ba dang / nang gi sems
198a3 kyi zhi gnas kyang stong par byed cing gnas pa na don nyung ba'i dge slong ma dag smod par byed pa'i skabs de dge slong ma rnams kyis dge slong dag la smras pa dang / dge slong dag gis bcom ldan 'das la gsol to// de nas bcom ldan 'das kyis dge slong ma rnams
198a4 la bka' stsal pa/ dge slong ma dag khyed gcig la gcig phra mas kun du spyod par ma byed cig/ de ci'i phyir zhe na/ dge slong ma dag sngon byung ba na nags tshang tshing zhig na seng ge mo sbrum ma zhig yod de/ de rnams kyi rang bzhin ni bdag gi phru gus nu ma la
198a5 za ba'am/ ltogs par gyur na mi rung ngo zhes de nyid kha zas su bya ba'i phyir sha kho na'i tshogs byas te 'brang bar byed do zhes bya ba nas ba zhig bsad de 'brangs so// ba de la yang be'u zhig yod pa seng ge mo de nyid kyi nu ma la 'thung ngo zhes bya ba'i bar du'o// ji tsam
198a6 na gnyis ka chen por gyur nas de yang 'chi ba'i dus kyi tshe zhes bya ba nas/ mdza' ba 'byed pa ni mang du yod do zhes yang dag par gtams nas zhes bya ba'i bar ro// wa zhig gis gnyis ka phye nas zhes bya ba nas/ de gnyis kyang gcig gis gcig srog dang phral
198a7 lo zhes bya ba'i bar ro/ / ji tsam na lhas tshigs su bcad de smras pa/ skye bo sdig can 'grogs pa las// mi yis bzang po mthong mi 'gyur// seng ge khyu mchog mdza' ba las// wa yis tha dad phye la ltos// dge slong ma dag re zhig dud 'gro'i skye
iiif viewer powered by OpenSeadragon
Texts on this page
D5 - dge slong ma'i 'dul ba rnam par 'byed pa